အိုစီမန်ကို စာချုပ်သက်တမ်းတိုးရန် နာပိုလီအသင်း သဘောတူညီမှုရရှိ
ဩဂုတ် ၁
နာပိုလီအသင်းသည် အဓိက တိုက်စစ်မှူး အိုစီမန်ကို စာချုပ် သစ် ထပ်မံချုပ်ဆိုနိုင်ရန် ကြိုးပမ်း ခဲ့ရာ ကစားသမားနှင့် သဘော တူညီမှုရရှိခဲ့ကြောင်း သိရသည်။
တိုက်စစ်မှူး အိုစီမန်သည် ပြီးခဲ့သည့် ဘောလုံးရာသီက နာပိုလီအသင်းနှင့်အတူ ပြိုင်ပွဲစုံ တွင် သွင်းဂိုး ၃၁ ဂိုး သွင်းယူ၍ ဂိုးဖန်တီးမှု လေးကြိမ်ပြုလုပ် ကာ ခြေစွမ်းပြသနိုင်ခဲ့ပြီး စီးရီးအေ ချန်ပီယံဆုဖလားရရှိအောင် စွမ်း ဆောင်နိုင်ခဲ့သည့်အပြင် ချန်ပီယံ လိဂ်ပြိုင်ပွဲတွင်လည်း အသင်း ကို ကွာတားဖိုင်နယ်အဆင့်ထိ ရောက်ရှိအောင် ပို့ဆောင်နိုင်ခဲ့ သဖြင့် ဥရောပထိပ်သီးကလပ် များဖြစ်သည့် မန်ယူအသင်းနှင့် ပီအက်စ်ဂျီအသင်းတို့က ခေါ်ယူ ရန် အပြိုင်ကမ်းလှမ်းမှု ပြုလုပ် ခဲ့သည်။
နာပိုလီအသင်းသည် အိုစီ မန်နှင့် လာမည့် ၂၀၂၅ ခုနှစ်မှ စာချုပ်သက်တမ်း ကုန်ဆုံးမည် ဖြစ်သော်လည်း ဥရောပကလပ် အသင်းကြီးများ၏ ခေါ်ယူမှုမှ ကာကွယ်နိုင်ရန် စာချုပ်သစ် ချုပ်ဆိုနိုင်ရေး အကြိမ်ကြိမ်ဆွေး နွေးခဲ့ရာ ကနဦး သဘောတူညီ မှု ရယူနိုင်ခဲ့သော်လည်း လုပ်ခ လစာနှင့် ပတ်သက်၍ ထုတ်ပြန် ကြေညာခြင်းမရှိခဲ့ကြောင်း သိရသည်။
သူရိန်
