ဆော်ဒီကလပ် အယ်အီတီဟတ်အသင်းက တိုက်စစ်မှူး ဘန်ဇီမာအား ခေါ်ယူ

  ဇွန်  ၇

ဆော်ဒီကလပ် အယ်အီတီဟတ်အသင်းက ရီးရဲလ်မက်ဒရစ်အသင်းနှင့် ပြင်သစ်ဝါရင့်တိုက်စစ်မှူး ဘန်ဇီမာအား သုံးနှစ်စာချုပ်ဖြင့် အပြီးသတ်ခေါ်ယူ နိုင်ခဲ့ကြောင်း သိရသည်။

အသက် ၃၅ နှစ်အရွယ်ရှိ တိုက်စစ်မှူး ဘန်ဇီမာသည် ၂၀၀၉ ခုနှစ်က လိုင်ယွန်အသင်းကရီးရဲလ်မက်ဒရစ်အသင်းသို့ ပြောင်းရွှေ့ကစားခဲ့သူ ဖြစ်ပြီး အသင်းနှင့်အတူ အကောင်းဆုံးခြေစွမ်း ပြသကာ ဆုဖလားများဆွတ်ခူးနိုင်ခဲ့ရာတွင် အဓိက နေရာမှပါဝင်ခဲ့သူဖြစ်ပြီး အသင်းနှင့်စာချုပ်သက်တမ်း ကုန်ဆုံးချိန်တွင် ဆော်ဒီကလပ် အယ်အီတီဟတ် အသင်းသို့ပြောင်းရွှေ့ခဲ့ခြင်းဖြစ်သည်။

ဘန်ဇီမာသည် အယ်အီတီဟတ်အသင်းတွင် သုံးနှစ်သက်တမ်းအတွက် CommercialDealများ အပါအဝင် ယူရိုသန်း ၆၀၀ ဝန်းကျင်ထိရရှိမည် ဖြစ်သည်။

ထို့ပြင် အယ်အီတီဟတ်အသင်းသည် ချဲလ်ဆီး အသင်းမှ ပြင်သစ်ဝါရင့်ကွင်းလယ်ကစားသမား ကန်တီကိုလည်း အလွတ်ပြောင်းရွှေ့ကြေးဖြင့်   ခေါ်ယူရန်သဘောတူညီမှုရရှိခဲ့ကြောင်း သိရသည်။

သူရိန်