ဂန်ဒိုဂမ်၏နေရာတွင် ဖေဘီယန်ရုဇ်နှင့်အစားထိုးရန် မန်စီးတီးအသင်း ပြင်ဆင်
ဇွန် ၂
မန်စီးတီးအသင်းသည် ကွင်းလယ်ပိုင်းတွင်ခြေစွမ်းပြ ကစားနေသည့် ဂန်ဒိုဂမ်၏ နေရာတွင် အစားထိုးရန်ပီအက်စ် ဂျီအသင်း ကစားသမား ဖေဘီ ယန်ရုဇ်ကို ခေါ်ယူရန် ပြင်ဆင် လျက်ရှိကြောင်း သိရသည်။
လာမည့် ဇွန် ၃၀ ရက်တွင် မန်စီးတီး အသင်းနှင့် စာချုပ် သက်တမ်းကုန်ဆုံးမည့် ကွင်း လယ်ကစားသမား ဂန်ဒိုဂမ်သည် နည်းပြဂွါဒီယိုလာ လက်အောက် တွင် ခြေစွမ်းပြကစားနိုင်သည့် ကစားသမားတစ်ဦးဖြစ်သော် လည်း ၎င်း အနေဖြင့် အသင်းမှ ထွက်ခွာရန် ဆုံးဖြတ်ထားသော ကြောင့် စာချုပ်သစ် ကမ်းလှမ်း မှုကို လက်မခံခဲ့သဖြင့် နွေရာသီ အပြောင်းအရွှေ့တွင် အလွတ် ပြောင်းရွှေ့ကြေးဖြင့် ထွက်ခွာရန် သေချာလျက်ရှိသည်။
မန်စီးတီးအသင်းမှ တာဝန် ရှိသူများက ဂန်ဒိုဂမ်ထွက်ခွာ သွားပါက ၎င်း၏နေရာတွင် အစားထိုးနိုင်ရန် အတွက် ပီအက်စ်ဂျီအသင်းတွင် ပုံမှန် ပွဲ ကစားခွင့်ရရှိရန် ရုန်းကန်နေ ရသည့် ကွင်းလယ်ကစားသမား ဖေဘီယန်ရုဇ်ကို ခေါ်ယူရန် စီစဉ်နေပြီး ပီအက်စ်ဂျီအသင်းနှင့် တရားဝင်ဆွေးနွေးမှု ပြုလုပ်မည် ဖြစ်သည်။
သူရိန်
