ဘိုင်ယန်မြူးနစ် ဘွန်ဒက်စ်လီဂါချန်ပီယံဆု ၁၁ နှစ်ဆက် ဆွတ်ခူး
မေ ၂၈
ဘွန်ဒက်စ်လီဂါပြိုင်ပွဲ၏ နောက်ဆုံး ပွဲစဉ်အဖြစ် ဘိုင်ယန်မြူးနစ်အသင်းနှင့် ကိုလုံးအသင်းတို့ ယမန်နေ့ညက ယှဉ်ပြိုင် ကစားခဲ့ရာ ဘိုင်ယန်မြူးနစ်အသင်းက ကိုလုံးအသင်းကို နှစ်ဂိုး၊ တစ်ဂိုးဖြင့် အနိုင်ရရှိပြီး ချန်ပီယံဆုကို ၁၁ နှစ်ဆက် ဆွတ်ဆူးနိုင်ခဲ့သည်။
ဘိုင်ယန်မြူးနစ်အသင်းနှင့် ဒေါ့မွန် အသင်းတို့သည် ရမှတ် ၇၁ မှတ်စီတူညီ ခဲ့သော်လည်း ဘိုင်ယန်မြူးနစ်အသင်း က ဂိုးကွာခြားချက်အသာဖြင့် ချန်ပီယံ ဆုကိုဆွတ်ခူးနိုင်ခဲ့ခြင်းဖြစ်ပြီး ၂၀၁၂-၂၀၁၃ မှ ၂၀၂၂-၂၀၂၃ ဘောလုံးရာသီ အထိ စံချိန်တင် ၁၁ နှစ်ဆက်ချန်ပီယံဆုကို ရရှိခဲ့ခြင်းဖြစ်သည်။
ဒေါ့မွန်အသင်းသည် နောက်ဆုံး အိမ်ကွင်းပွဲစဉ်တွင်နိုင်ပွဲရရှိရုံဖြင့် ဆယ်စု နှစ်တစ်ခုကြာဝေးကွာနေသည့် ဘွန် ဒက်စ်လီဂါချန်ပီယံဆုကို ပြန်လည်ရယူ နိုင်မည့်အခွင့်အရေးရှိခဲ့သော်လည်း မိန့်ဇ်အသင်းကို သရေရလဒ်သာကစား နိုင်ခဲ့ခြင်းကြောင့် ချန်ပီယံအခွင့်အရေးကို လက်လွှတ်ခဲ့ရခြင်းဖြစ်သည်။
ထို့ပြင် ဘွန်ဒက်စ်လီဂါပြိုင်ပွဲ ဂိုးသွင်းအများဆုံးကစားသမားဆု (ရွှေဖိနပ်ဆု)ကို လိုက်ပ်ဇစ်အသင်းက အန်ကူကူနှင့်ဝါဒါဘရီမင်အသင်းမှ ဖူလ်ခရက်ခ်တို့က ၁၆ ဂိုးစီဖြင့် ပူးတွဲ ရရှိခဲ့ပြီးဂိုးဖန်တီးမှုအများဆုံးကစား သမားဆုကို ဒေါ့မွန်အသင်းက ဂွါရဲရိုး ၁၂ ကြိမ်ရရှိခဲ့သည်။
သူရိန်
