ဖလန်းမန်ဒီ နေရာ ရော်ဘတ်ဆန်နှင့် အစားထိုးရန် ရီးရဲလ်မက်ဒရစ် ပြင်ဆင်
မေ ၂၈
ရီးရဲလ်မက်ဒရစ်အသင်းသည် လာမည့်နွေရာသီတွင် အသင်းကထွက်ခွာ မည့် ဘယ်တောင်ပံခံစစ်ကစားသမား ဖလန်းမန်ဒီ၏နေရာတွင် လီဗာပူးအသင်း မှ ရော်ဘတ်ဆန်နှင့်အစားထိုးရန် ပြင်ဆင် လျက်ရှိကြောင်း သိရသည်။
ခံစစ်ကစားသမား ဖလန်းမန်ဒီသည် ယခုနှစ် ဘောလုံးရာသီတွင် ဒဏ်ရာ ပြဿနာများနှင့်သာရုန်းကန်ခဲ့ရသော ကြောင့် အသင်းအနေဖြင့် ဘယ်တောင်ပံ ခံစစ်တွင် ကာမာဗင်ဂါကိုသာ အသုံးပြု ခဲ့ရပြီး အသင်းတာဝန်ရှိသူများက လာမည့်ဘောလုံးရာသီတွင် ဥရောပ ချန်ပီယံဆုကို ပြန်လည်စိန်ခေါ်နိုင်ရန် လီဗာပူးအသင်းကစားသမား ရော်ဘတ် ဆန်ကိုခေါ်ယူလိုနေခြင်းဖြစ်သည်။
ရီးရဲလ်မက်ဒရစ်အသင်းသည် အစောပိုင်းက ဘိုင်ယန်မြူးနစ်အသင်း ကစားသမားအယ်ဖွန်ဆိုဒေးဗစ်ကို ခေါ်ယူရန်ကမ်းလှမ်းခဲ့သော်လည်း ဘိုင်ယန်မြူးနစ်အသင်းက ငြင်းပယ်ခဲ့ပြီး ကစားသမားနှင့် စာချုပ်သက်တမ်းတိုးရန် ဆောင်ရွက်နေသောကြောင့် လက်လျှော့ ခဲ့ရကာယခုအခါ နည်းပြ ကလော့ပ် လက်အောက်တွင် ဆက်လက်ကစားရန် ဆန္ဒမရှိတော့သည့် ခံစစ်ကစားသမား ရော်ဘတ်ဆန်ကို ပြောင်းရွှေ့ကြေး စတာလင်ပေါင် သန်း ၄၀ ဖြင့်ခေါ်ယူရန် ဆုံးဖြတ်ခဲ့ခြင်းဖြစ်သည်။
သူရိန်
