လသာမြို့နယ်အတွင်း သန့်ရှင်းသာယာသပ်ရပ်ရေး ဆောင်ရွက်
ရန်ကုန်၊ မတ် ၂၅
လသာမြို့နယ်အတွင်း သန့်ရှင်းသာယာသပ်ရပ်ရေးအတွက် မြို့နယ်စည်ပင်သာယာအုပ်ချုပ်ရေးမှူး၏ ကြီးကြပ်မှုဖြင့် စဉ်ဆက်မပြတ် ဆောင်ရွက်လျက်ရှိရာ မတ် ၂၄ ရက်၊ နံနက်ပိုင်းက မြို့နယ်စီမံအုပ်ချုပ်ရေးအဖွဲ့ရုံး၊ အ.ထ.က ၂ ကျောင်းအင်အား၊ ရပ်ကွက်အုပ်ချုပ်ရေးမှူးရုံး၊ စည်ပင်သာယာဝန်ထမ်းများ ပူးပေါင်းအင်အား ၂၅ ဦးဖြင့် အမှတ် ၁၀ ရပ်ကွက်၊ ဗိုလ်ချုပ်အောင်ဆန်းလမ်း၊ အ.ထ.က ၂ ကျောင်းဝင်းအတွင်း သစ်ရွက်ကြွေများ၊ အမှိုက်၊ သဲ၊ ခဲများ လှည်းကျင်းရှင်းလင်းခြင်း၊ မြက်ပင်ချုံနွယ်များ ခုတ်ထွင်ရှင်းလင်းခြင်း၊ စွန့်ပစ်အမှိုက်များ ရှင်းလင်း သိမ်းဆည်းခြင်း၊ သစ်ပင်အောက်တက်များ ရှင်းလင်းခြင်း၊ အုပ်မိုးကိုင်းများ ဖြတ်ညှိပုံသွင်းအလင်းဖွင့်ပေးခြင်း၊ ရေမြောင်းအတွင်း အမှိုက်၊ သဲ၊ ခဲများ ရှင်းလင်းခြင်း၊ ထွက်ရှိအမှိုက်များကို ယာဉ်တစ်စီးဖြင့် သိမ်းဆည်းသယ်ယူစွန့်ပစ်ခြင်းများ ဆောင်ရွက်ကြသည်။(ပုံ) မလတ်
