Android 10 Update ကို Nubia Red Magic 3 ဖုန်းတွင်ရရှိလာ

ဇွန်  ၂၀

Nubia Red Magic 3 စမတ်ဖုန်းတွင် Android 10 Update ရရှိလာပြီဖြစ်သည်။ Red Magic 3 က Android 10 OS သစ်အပြင် OEM Skin သစ်လည်း ရရှိလာပြီး Redmagic 3.0 လည်း ရရှိလာခြင်းဖြစ်သည်။

လက်ရှိအချိန်မှာ Nubia က တရုတ်ဈေးကွက်မှ Red Magic 3 ဖုန်းများအတွက် Android 10 အခြေပြု Redmagic 3.0 ပေးနေခြင်းဖြစ်ပြီး မကြာမီကာလအတွင်းမှာ နိုင်ငံတကာဈေးကွက်မှာ ရောင်းချထားသည့် ဖုန်းများအတွက်လည်း Update ပေးလာမည်ဖြစ်သည်။

ဆော့ဝဲလ်သစ်မှာ Game Space သစ်၊ Screen Mirroring ပါဝင်သလို Neo AI Smart System သစ်လည်း ပါဝင်သည်။ ထို့အပြင် PIP ၊ Split-Screen Multitasking Optimizations ၊ Dark Mode နှင့် Animations သစ်တို့လည်း ပါဝင်လာသည်။

Red Magic 3 မှာ မျက်နှာပြင် ၆ ဒသမ ၆၅ လက်မ AMOLED 1080x2340px Resolution သုံးထားကာ 90Hz Refresh Rate ပါဝင်သည်။ Snapdragon 855 နှင့် ပါဝါထောက်ပံ့ထားသည်။ ဘက်ထရီ 5000 mAh ပါဝင်ကာ 18W ဖြင့် အားသွင်းနိုင်မည်ဖြစ်သည်။

(သူရိန်)