ပို့ကုန်တင်ပို့မှုတွင် ယခင်နှစ်ကာလထက် ကန်ဒေါ်လာ သန်း ငါးရာကျော် ပိုတင်ပို့နိုင်

ရန်ကုန်   ဇွန်  ၂၀

  ပို့ကုန်တင်ပို့မှုတွင် ယခင်နှစ်ကာလတူထက် အမေရိကန်ဒေါ်လာသန်း (၅၀ဝ) ကျော် ပိုမိုတင်ပို့ နိုင်ခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ သိရသည်။

    လက်ရှိ (၂၀၁၉-၂၀၂၀) ဘဏ္ဍာနှစ် ဇွန် ၅ ရက် အထိ ပို့ကုန်တင်ပို့မှုမှာ ကန်ဒေါ်လာ ၁၂ ဒသမ ၁ ဘီလီယံတင်ပို့နိုင်ခဲ့ပြီး ယခင်နှစ်ကာလတွင် ၁၁ ဒသမ ၆ ဘီလီယံသာ တင်ပို့နိုင်ခဲ့သဖြင့် ပို့ကုန်တွင် ကန်ဒေါ်လာ သန်း(၅၀ဝ) ကျော် ပိုမိုတင်ပို့နိုင်ခဲ့သည်။

  ထို့ပြင် သွင်းကုန်ကဏ္ဍတွင်လည်း ဒေါ်လာ ၁၃ ဒသမ ၇၃ ဘီလီယံ တင်သွင်းခဲ့ပြီး ယခင်နှစ် က ၁၂ ဒသမ ၃၄ ဘီလီယံသာ တင်သွင်းနိုင်ခဲ့သဖြင့် သွင်းကုန်တွင် ကန်ဒေါ်လာ ၁ ဒသမ ၃၉ ဘီလီယံ ပိုမိုတင်သွင်း နိုင်ခဲ့သည်။

ပို့ကုန်တင်ပို့မှုတွင် လယ်ယာထွက်ပစ္စည်း ၊ တိရစ္ဆာန်ထွက်ပစ္စည်း၊ ရေထွက်ပစ္စည်း ၊ သတ္တုတွင်းထွက် ပစ္စည်း၊ သစ်တောထွက်ပစ္စည်း၊ စက်မှုကုန်ချောပစ္စည်းနှင့် အခြားပစ္စည်းတို့ဖြစ်ပြီး သွင်းကုန်ကဏ္ဍတွင် ရင်းနှီးမြှုပ်နှံမှုကုန်ပစ္စည်း ၊ လုပ်ငန်းသုံး ကုန်ကြမ်းပစ္စည်း ၊ လူသုံးကုန် ပစ္စည်းနှင့် CMP တို့ ပါဝင်သည်။

          ထိုသို့ ပို့ကုန်/သွင်းကုန်များ ပိုမိုဆောင်ရွက်နိုင်ရန်  စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ ကုန်သွယ်ရေးဦးစီးဌာနအနေဖြင့် COVID-19 ကာလအတွင်း ကုန်သွယ်ရေးဆိုင်ရာ ဖြေလျှော့မှုများဆောင်ရွက် ပေးလျက်ရှိသည်။   

မေဘယ်လ်အောင်