အာဂျင်တီးနားအသင်း ခြေစမ်းပွဲကစားမည့် ကစားသမားစာရင်းတွင် ဂါနာချို ရွေးချယ်ခံရ
မတ် ၇
ကမ္ဘာ့ဖလားချန်ပီယံ အာဂျင်တီးနား အသင်းသည် လာမည့် မတ် ၂၄ ရက်နှင့် ၂၇ ရက်တွင် ခြေစမ်းပွဲကစား၍ ပရိသတ်များနှင့် အောင်ပွဲခံမှုအခမ်း အနားကျင်းပရန်စီစဉ်ခဲ့ပြီး ခြေစမ်း ပွဲစဉ်အတွက် ကစားသမားစာရင်း ထုတ်ပြန်ခဲ့ရာ မန်ယူအသင်း တိုက်စစ် ကစားသမားဂါနာချို ပထမဆုံးအကြိမ် အဖြစ် ရွေးချယ်ခံခဲ့ရသည်။
အသက် ၁၈ နှစ်အရွယ်ရှိ ဂါနာချို သည် ယခုနှစ်ဘောလုံးရာသီ မန်ယူ အသင်းနှင့်အတူ ပြိုင်ပွဲစုံ ၂၇ပွဲတွင် သွင်းဂိုး ငါးဂိုးနှင့် ဂိုးဖန်တီးမှုခြောက် ကြိမ်ထိပြုလုပ်၍ ခြေစွမ်းပြကစား နေသည့်အတွက် နည်းပြစကာလိုနီ၏ ကစားသမားစာရင်းတွင် ရွေးချယ်ခံခဲ့ ရခြင်းဖြစ်သည်။
အာဂျင်တီးနားအသင်းသည် မတ် ၂၄ ရက်တွင် ပနားမားအသင်းနှင့် လည်းကောင်း၊ မတ် ၂၇ ရက်တွင် ကျူရာ ကာအိုအသင်းနှင့်လည်းကောင်း ခြေစမ်း ပွဲစဉ်များ ကစားကာ ကမ္ဘာ့ဖလား အောင်ပွဲအထိမ်းအမှတ်အဖြစ် ပရိသတ် များနှင့်အတူ အောင်ပွဲခံမှုအခမ်းအနား ကျင်းပသွားမည်ဖြစ်ကြောင်း သိရသည်။
သူရိန်
