ရန်ကုန်လျှပ်စစ်ဓါတ်အားပေးရေးအဖွဲ့နှင့်ပူးပေါင်း၍ ဓါတ်အားလိုင်းမလွတ်ကင်းသည့် အပင်များရှင်းလင်းခြင်းလုပ်ငန်းများဆောင်ရွက်
ရန်ကုန် ဇွန် ၁၈
ရန်ကုန်မြို့တော်စည်ပင်သာယာရေးကော်မတီ မြို့ပြစီမံကိန်းလုပ်ငန်းတာဝန်ခံအဖွဲ့(မြေယာရှုခင်းနှင့်အားကစားကွင်းများ)မှ ဇွန်လ ၁၆ရက်တွင် ကန်တော်ကြီး ဗိုလ်ချုပ်အောင်ဆန်းကြေးရုပ်ရင်ပြင်၊ အင်းစိန်မြို့နယ် သီရိမင်္ဂလာလမ်း၊ လှိုင်မြို့နယ် ဗဟိုလမ်း နှင့် ပါရမီလမ်း၊ ဦးထောင်ဘိုအဝိုင်းအနီးလမ်းလယ်ကျွန်းနှင့် ဗဟန်းမြို့နယ် ရတနာပန်းခြံတို့တွင်မြေယာရှုခင်းပြုပြင်ခြင်း၊ ဒဂုံမြို့သစ်(ဆိပ်ကမ်း)မြို့နယ် ၉၃ ရပ်ကွက် မြကျွန်းသာလမ်း၊ မရမ်းကုန်းမြို့နယ် ကျိုက်ဝိုင်းဘုရားလမ်း၊ ကြည့်မြင်တိုင်မြို့နယ် ထီးတန်းလမ်းနှင့်ပန်းလှိုင်လမ်းတလျှောက် ရန်ကုန်လျှပ်စစ်ဓါတ်အားပေးရေးအဖွဲ့နှင့်ပူးပေါင်း၍ ဓါတ်အားလိုင်းမလွတ်ကင်း အပင်များရှင်းလင်းခြင်း၊ သင်္ဃန်းကျွန်းမြို့နယ် ဗိုလ်ကံညွန့်ရပ်ကွက် ဇမ္ဗူမေတ္တာလမ်း နှင့် အင်းစိန်မြို့နယ် လေဟာပြင်စျေး ဗန်ဒါပင်လဲပြိုရှင်းလင်းခြင်း၊ ကမာရွတ်မြို့နယ် အောင်မင်းခေါင်လမ်း အုပ်မိုးကိုင်းများရှင်းလင်းခြင်း၊မရမ်းကုန်းမြို့နယ် ဦးရေခဲလမ်း ကုက္ကိုပင်ရှင်းလင်းခြင်း၊ ရွှေပြည်သာမြို့နယ် (၇) ရပ်ကွက် မင်းရဲကျော်စွာလမ်း အမြစ်ကြွကုက္ကိုပင်ရှင်းလင်းခြင်း လုပ်ငန်းတို့အားဆောင်ရွက်ခဲ့ကြသည်။
မိုးမြင့်မောင်
