မန်ယူအသင်း လက်စတာအသင်းကို ဂိုးပြတ်အနိုင်ရ
ဖေဖော်ဝါရီ ၂၀
ပရီးမီးယားလိဂ်ပွဲစဉ် ၂၄ ၏ပွဲစဉ် တစ်ပွဲအဖြစ် မန်ယူအသင်းနှင့် လက်စ တာ အသင်းတို့ ယမန်နေ့ ညပိုင်းက အိုးထရက်ဖို့ဒ်ကွင်း၌ ယှဉ်ပြိုင်ကစားရာ မန်ယူအသင်းက သုံးဂိုး၊ ဂိုးမရှိဖြင့် အနိုင်ရရှိခဲ့သည်။
အဆိုပါ ပွဲစဉ်တွင် မန်ယူအသင်းက ရက်ရှ်ဖို့ဒ်၏ လျင်မြန်မှုနှင့်အတူ ဂိုး ပေါက်ခြိမ်းခြောက်မှု များစွာပြုလုပ်နိုင်ခဲ့ ပြီး အိမ်ကွင်းတွင် ဂိုးပြတ်နိုင်ပွဲ ရယူနိုင် ခဲ့သည်။
မန်ယူအသင်းအတွက် အနိုင်ဂိုးများ ကို ပွဲကစားချိန် ၂၅ မိနစ်နှင့် ၅၆ မိနစ်တွင် ရက်ရှ်ဖို့ဒ်၊ ၆၁ မိနစ်တွင် ဆန်ချိုတို့က သွင်းယူပေးခဲ့ခြင်းဖြစ်သည်။
မန်ယူအသင်းသည် ပွဲစဉ် ၂၄ ပွဲ ကစားပြီးချိန်တွင် ရမှတ် ၄၉ မှတ်ဖြင့် အဆင့် ၃ နေရာတွင် ရပ်တည်လျက်ရှိပြီး အဆင့် ၂ နေရာမှ မန်စီးတီးအသင်းနှင့် သုံးမှတ်သာ ကွာဟတော့သည်။
ထို့ပြင် စပါးအသင်းနှင့် ဝက်စ်ဟမ်း အသင်းတို့ ပွဲစဉ်တွင် စပါးအသင်းက နှစ်ဂိုး၊ ဂိုးမရှိဖြင့် အနိုင်ရရှိခဲ့ပြီး အနိုင်ဂိုး များကို ပွဲကစားချိန် ၅၆ မိနစ်တွင် အီမာဆင် ရွိုင်ရယ်လ်နှင့် ၇၂ မိနစ်တွင် ဆွန်ဟောင်မင်တို့က သွင်းယူပေးခဲ့ခြင်း ဖြစ်သည်။
သူရိန်
