မီးသတ်ဦးစီးဌာန ဒုတိယညွှန်ကြားရေးမှူးချုပ် စိုက်ပျိုးမွေးမြူရေးဆောင်ရွက်ထားမှုနှင့် ရေယာဉ်မီးသတ်စခန်း တည်ဆောက်မည့်နေရာကြည့်ရှု စစ်ဆေး
မန္တလေး ဇွန် ၁၈
မီးသတ်ဦးစီးဌာန ဒုတိယညွှန်ကြားရေးမှူးချုပ်၊ ဗဟိုမီးသတ်သင်တန်းကျောင်း ကျောင်းအုပ်ကြီး ဦးကျော်သူရသည် ဇွန် ၁၇ ရက် မွန်းလွဲ ၂ နာရီက မန္တလေးမြို့၊ချမ်းမြသာစည်မြို့နယ်၊ ၄၈လမ်းရှိ မန္တလေးတိုင်း ဒေသကြီးမီးသတ်ဦးစီးဌာနတွင် တိုင်းဒေသကြီးမီးသတ်ဦးစီးမှူးညွှန်ကြားရေးမှူး ဦးသန်းဇော်ဦး၊ မန္တလေးခရိုင် မီးသတ်ဦးစီးမှူးဦးထက်အောင်နှင့်မြို့နယ်မီးသတ်ဦးစီးမှူးများ၊ တပ်ဖွဲ့ဝင်များနှင့်တွေ့ဆုံပြီး မီးဘေးကြိုတင် ကာကွယ်ရေး၊ခေတ်မီမီးငြှိမ်းသတ်ယာဉ်များဖြင့် မီးငြှိမ်းသတ်ရေး၊ ရှာဖွေကယ်ဆယ်ရေးဆိုင်ရာများအား လမ်းညွှန်မှာကြားပြီးယာဉ်/စက်များအားကြည့်ရှုစစ်ဆေးသည်။
ဆက်လက်၍ ဒုတိယညွှန်ကြားရေးမှူးချုပ်သည် မန္တလေးတိုင်းဒေသကြီးမီးသတ်ဦးစီးဌာနလေ့ကျင့်ရေးကွင်း ခြံစည်းရိုးကာရံနေမှုများနှင့်တပ်ဖွဲ့ဝင်များစိုက်ပျိုးရေးမွေးမြူရေးဆောင်ရွက်ထားမှုများအား ကြည့်ရှုသည်။ ထို့နောက် မန္တလေးတိုင်းဒေသကြီး မီးသတ်ဦးစီးမှူးနှင့်အတူမန္တလေးခရိုင် မဟာအောင်မြေမြို့နယ်သံလျှက်မော် အနောက်ရပ်ကွက် ကမ်းနားလမ်းပေါ်တော်မူဘုရားငါးဆူအနီးတွင် ရေယာဉ်မီးသတ်စခန်းတည်ဆောက်မည့် မြေနေရာအားသွားရောက်ကြည့်ရှုစစ်ဆေးခဲ့ကြောင်း သိရသည်။
မောင်ပြည်သူ(မန္တလေး)
