ရန်ကုန်တိုင်းဒေသကြီး ရဲတပ်ဖွဲ့နယ်မြေအတွင်း လက်နက်ကိုင်ဆောင်သူများ ဖမ်းဆီးအရေးယူ
ရန်ကုန် ဇွန် ၁၇
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏အသက်အိုးအိမ် စည်းစိမ်ကိုထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက်ဖမ်းဆီး အရေးယူ ဆောင်ရွက်ခဲ့ရာ ဇွန် ၁၆ ရက်၊ နံနက် ၄ နာရီခွဲအချိန်တွင် ဒဂုံမြို့သစ်(တောင်ပိုင်း)မြို့နယ်ရဲတပ်ဖွဲ့မှ တပ်ဖွဲ့ဝင်များသည် (၇၁)ရပ်ကွက်၊ ကေတုမတီလမ်းနှင့် မဟာဗန္ဓုလလမ်းထောင့်၌ ရဲရင့်ထံမှ အရိုးအသွား (၁၁)လက်မခွဲခန့်ရှိ ထိပ်ဦး ချွန်ဓားတစ်ချောင်းကိုလည်းကောင်း၊
သာကေတမြို့နယ်ရဲတပ်ဖွဲ့မှတပ်ဖွဲ့ဝင်များသည် နံနက် ၇ နာရီအချိန်တွင် ၂/တောင်ရပ်ကွက်အတွင်း လမ်းမပေါ်၌ ဝင်းသီဟနိုင်ထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းနှင့် ည ၇ နာရီခွဲ အချိန်တွင် ၁၀/မြောက်ရပ်ကွက်၊ ဧရာဝဏ်လမ်း၊ အမှတ်(၁၀)ဈေးအတွင်း၌ ထွန်းကိုအောင်ထံမှ အရိုးအသွား(၇)လက်မခွဲခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ လှိုင်သာယာ(အနောက်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ဇွန် ၁၆ ရက်၊ နေ့လယ် ၃ နာရီအချိန်တွင် (၁၄)ရပ်ကွက်၊ ဦးပုညလမ်းမပေါ်၌ အောင်ကိုထွေးထံမှ အရိုးအသွား(၂၆)လက်မခန့်ရှိ ငှက်ကြီးတောင်ဓါး တစ်ချောင်း၊ ညနေ ၅ နာရီအချိန်တွင် အလယ်ကျေးရွာ၊ မြေတိုင်း(၂၂)၊ ဂန္ဓမာလမ်းမပေါ်၌ သန့်ဇင်ထံမှ အရိုးအသွား(၉)လက်မခွဲခန့်ရှိ ထိပ်ဦးချွန်ဓါးတစ်ချောင်း၊ ည ၈ နာရီ ၅၅ မိနစ်အချိန်တွင် ရန်ကုန်-ပုသိမ် လမ်းမကြီးပေါ်၌ စောညီညီဝင်းထံမှ အရိုးအသွား(၉)လက်မခန့်ရှိ ထိပ်ဦးချွန်ဓားတစ်ချောင်းနှင့် ည ၁၁ နာရီ ၅ မိနစ်အချိန်တွင် (၁၉)ရပ်ကွက်၊ တောင်ငူလမ်းမပေါ်၌ သဲနုဇင်ထံမှ အရိုးအသွား(၆)လက်မခန့်ရှိ ထိပ်ဦးချွန်ဓါးတစ်ချောင်းကိုလည်းကောင်း၊ မြောက်ဥက္ကလာပမြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၅ နာရီ ၄၀ မိနစ်အချိန်တွင် (က)ရပ်ကွက်၊ နွယ်သာကီ(၁)လမ်းမပေါ်၌ ညီညီလွင်ထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်း ကိုလည်းကောင်း၊ လှိုင်မြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၅ နာရီ ၅၀ မိနစ်အချိန်တွင် ဝေလထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ဒဂုံမြို့သစ်(အရှေ့ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၄ နာရီ ၁၅ မိနစ်အချိန်တွင် (၇)ရပ်ကွက်၊ အောင်မေတ္တာလမ်းမပေါ်၌ အောင်လှိုင်ဦးထံမှ အရိုးအသွား(၃၄)လက်မခန့်ရှိ ငှက်ကြီးတောင်ဓားတစ်ချောင်းကိုလည်းကောင်း၊ ရန်ကင်းမြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၈ နာရီခွဲအချိန်တွင် (၈)ရပ်ကွက်၊ ပါရမီဘူတာ၌ အောင်အောင်သန်း ထံမှ အရိုးအသွား(၁၂)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ဒဂုံမြို့သစ်(မြောက်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၉ နာရီ ၂၀ မိနစ်အချိန်တွင် (၃၇)ရပ်ကွက်၊ ဘုရင့်နောင်လမ်းမပေါ်၌ သန်းဌေးအောင်ထံမှ အရိုးအသွား(၁၀)လက်မခန့်ရှိ ထိပ်ဦးချွန်ဓား တစ်ချောင်းကိုလည်းကောင်း၊ မင်္ဂလာဒုံမြို့နယ်ရဲတပ်ဖွဲ့မှတပ်ဖွဲ့ဝင်များသည် ၂၀၃၀ အချိန်တွင် ကျော်ဝင်းထွဋ် ထံမှ အရိုးအသွား (၃၃)လက်မခန့်ရှိ ငှက်ကြီးတောင်ဓားတစ်ချောင်းကိုလည်းကောင်း သိမ်းဆည်းရရှိ၍ သက်ဆိုင်ရာ ရဲစခန်းအသီးသီးတွင် လက်နက်အက်ဥပဒေပုဒ်မ ၁၉(င)အရ အမှုဖွင့်အရေးယူခဲ့ကြောင်း သိရ သည်။
ဆွေဦး
