အိုနာဟီကို ခေါ်ယူရန် မာဆေးအသင်း သဘောတူညီမှုရရှိ
ဇန်နဝါရီ ၃၁
အန်ဂါအသင်းတွင် ခြေစွမ်းပြ ကစားနေသည့် ကွင်းလယ်ကစားသမား အိုနာဟီကို မာဆေးအသင်းက ခေါ်ယူရန် သဘောတူညီမှုရရှိခဲ့ကြောင်း သိရသည်။
အိုနာဟီသည် ယခုနှစ်ဘောလုံး ရာသီတွင် အန်ဂါအသင်း ကွင်းလယ် ပိုင်းတွင် အဓိကကစားသမားအဖြစ် ပါဝင်ကစားနေသည့်အပြင် ပြီးခဲ့သည့် ကာတာ ကမ္ဘာ့ဖလားပြိုင်ပွဲတွင်လည်း မော်ရိုကိုအသင်းနှင့်အတူ ခြေစွမ်းပြ နိုင်ခဲ့ခြင်းကြောင့် ဥရောပကလပ်အသင်း ကြီးများဖြစ်သည့် ဆီဗီလာ၊ နာပိုလီနှင့် လက်စတာအသင်းတို့က ခေါ်ယူရန် အပြိုင်ကမ်းလှမ်းခံခဲ့ရသည်။
သို့သော် ပြင်သစ်လီဂူးပြိုင်ဘက် မာဆေးအသင်းက အိုနာဟီကို လက်ဦးမှု ရယူနိုင်ခဲ့ပြီး ကလပ်အသင်းနှစ်ခုအကြား သဘောတူညီမှုရရှိခဲ့ကာ ကစားသမား အတွက် ပြောင်းရွှေ့ကြေး ယူရို ၁၀ သန်း ဝန်းကျင်သာ ပေးချေရမည်ဖြစ်သည်။
သူရိန်
