ကိုလံဘို ဇန်နဝါရီ ၂၇
တရုတ်ပို့ကုန် - သွင်းကုန်ဘဏ်သည် သီရိလင်္ကာ၏ကြွေးမြီအား နှစ်နှစ်ဆိုင်းငံ့ ပေးမည်ဖြစ်ပြီး အပြည်ပြည်ဆိုင်ရာငွေကြေးရန်ပုံငွေအဖွဲ့ထံမှ ချေးငွေဒေါ်လာ ၂ ဒသမ ၉ ဘီလျံရရှိရန် ကြိုးပမ်း အားထုတ်မှုများကိုလည်း ပံ့ပိုးပေးမည် ဟု သိရသည်။
ဒေသတွင်း ပြိုင်ဘက်များဖြစ်သောတရုတ်နှင့်အိန္ဒိယတို့သည် ဆယ်စုနှစ် နှစ်ခုအတွင်း အဆိုးရွားဆုံးစီးပွားရေး အကျပ်အတည်းနှင့်ရင်ဆိုင်နေရသောလူဦးရေ ၂၂ သန်းရှိသည့် သီရိလင်္ကာကိုငွေအများဆုံးချေးသူများဖြစ်သည်။
ယခုအခါ တရုတ်နိုင်ငံဘက်က သီရိ လင်္ကာမှ ရရန်ရှိသည့်ကြွေးမြီများကို နှစ်နှစ်ကြာ ဆိုင်းငံ့ထားပေးမည်ဖြစ်ပြီး သီရိလင်္ကာနိုင်ငံသည် ၂၀၂၂ ခုနှစ် အကုန် တွင် တရုတ်ချေးငွေဒေါ်လာ ၇ ဒသမ ၄ ဘီလျံ သို့မဟုတ် နိုင်ငံ့ပြည်ပကြွေးမြီ၏ ငါးပုံ တစ်ပုံနီးပါးအကြွေးတင်နေခြင်း ဖြစ်သည်။
အမေရိကန်ကဲ့သို့သော အနောက် နိုင်ငံများနှင့်နိုင်ငံစုံက ငွေချေးသူများ သည် စီးပွားရေးအကျပ်အတည်း ဖြစ်နေသော နိုင်ငံများအတွက်ကြွေးမြီ သက်သာရာရရန် တရုတ်ကို ဖိအားပေး လျက်ရှိသည်။
(ref:Nikkei Asia)