ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း လက်နက်ကိုင်ဆောင်သူများ ဖမ်းဆီးအရေးယူ
ရန်ကုန် ဇွန် ၁၅
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏အသက်အိုးအိမ် စည်းစိမ်ကိုထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက်ဖမ်းဆီး အရေးယူ ဆောင်ရွက်ခဲ့ရာ ဇွန် ၁၄ ရက်၊ ညနေ ၆ နာရီအချိန်တွင် မင်္ဂလာဒုံမြို့နယ်ရဲတပ်ဖွဲ့မှတပ်ဖွဲ့ဝင်များသည် ချစ်တီးကုန်းရပ်ကွက်၊ တနင်္သာရီလမ်းမပေါ်၌ ဓါးကိုင်သောင်းကျန်းနေသော သန်းမြင့်ထံမှ အရိုးအသွား(၁၄)လက်မခန့်ရှိ ထိပ်ဦးချွန် ဓားတစ်ချောင်းကိုလည်းကောင်း၊ လှည်းကူးမြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၈ နာရီအချိန်တွင် ကျွန်းကလေးကျေးရွာအတွင်း လမ်းမပေါ်၌ မျိုးကျော်ထံမှ အရိုးအသွား(၂၈)လက်မခန့်ရှိ ငှက်ကြီးတောင်ဓားတစ်ချောင်းကိုလည်းကောင်း၊ လှိုင်သာယာ(အနောက်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၇ နာရီအချိန်တွင် (၁၈)ရပ်ကွက်၊ လက်ဝဲသုန္ဒရလမ်းမပေါ်၌ ဇင်ဝင်းထက်ထံမှ အရိုးအသွား(၉)လက်မခန့်ရှိ ထိပ်ဦးချွန်ဓားတစ်ချောင်းကို လည်းကောင်း၊ မြောက်ဥက္ကလာပမြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၉ နာရီအချိန်တွင် ပုဂံလမ်းမပေါ်၌ လွင်မိုးအောင်ထံမှ အရိုးအသွား(၁၃)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ဗိုလ်တထောင်မြို့နယ်ရဲတပ်ဖွဲ့မှတပ်ဖွဲ့ဝင်များသည် ၉ နာရီ ၅၀ မိနစ်အချိန်တွင် ကိုကိုဝင်းထံမှ အရိုးအသွား (၅)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊
လှိုင်သာယာ(အရှေ့ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၁၀ နာရီအချိန်တွင် (၄)ရပ်ကွက်၊ တပင်ရွှေထီးလမ်းမပေါ်၌ မင်းကိုနိုင် ထံမှ အရိုးအသွား(၁၈)လက်မခန့်ရှိ ထိပ်ဦးချွန်ဓါးတစ်ချောင်းနှင့် ည ၁၀ နာရီခွဲအချိန်တွင် ဌေးနိုင်ထံမှ အရိုးအသွား(၆)လက်မခန့်ရှိ ထိပ်ဦးချွန်ဓားတစ်ချောင်းကို လည်းကောင်း၊ ခရမ်းမြို့နယ် ရဲတပ်ဖွဲ့ဝင်များသည် ည ၁၀ နာရီ ၄၀ မိနစ်အချိန်တွင် ခရမ်းစုပေါင်းစစ်ဆေးရေးဂိတ်၌ အောင်နိုင် ထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ဗဟန်းမြို့နယ်ရဲတပ်ဖွဲ့မှတပ် ဖွဲ့ဝင်များ သည် ည ၁၀ နာရီ ၅၀ မိနစ်အချိန်တွင် နတ်မောက်လမ်းမပေါ်၌ စိုးဝေဖြိုး ထံမှ အရိုးအသွား(၇)လက်မခန့်ရှိ ထိပ်ဦးချွန်ဓါးတစ်ချောင်းကိုလည်းကောင်း သိမ်းဆည်းရရှိ၍ သက်ဆိုင်ရာရဲစခန်းအသီးသီးတွင် လက်နက်အက်ဥပဒေပုဒ်မ ၁၉(င)အရ အမှုဖွင့်အရေးယူခဲ့ကြောင်း သိရသည်။
ဆွေဦး
