သိန္နီမြို့နယ်တွင် ငွေကျပ်သိန်း ၆,၆၀၀ တန်ဖိုးရှိ ဘိန်းဖြူများ ဖမ်းဆီးရမိ

သိန္နီ ဇွန် ၁၄ ရက်

ဇွန် ၁၃ ရက်၊ နံနက်  ၈ နာရီခွဲအချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များသည် သိန္နီမြို့နယ်၊ ရေပူအမြဲတမ်းစစ်ဆေးရေးစခန်းတွင် မိုင်းနေမြင့်အောင်(ခ)မြင့်အောင် မောင်းနှင်လာသည့် NISSAN CONDOR အမျိုးအစား ၆ ဘီးမော်တော်ယာဉ်အား ရပ်တန့်ရှာဖွေရာ ယာဉ်အတွင်းမှ ဘိန်းဖြူ ၂၂ ကီလို၊ ငွေကျပ် ၁,၀၀၀,၀၀၀ နှင့် လက်ကိုင်ဖုန်းတစ်လုံးတို့ကို သိမ်းဆည်းရမိခဲ့သဖြင့် မိုင်းနေမြင့်အောင်(ခ) မြင့်အောင်(၂၈)နှစ်အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူ ထားကြောင်း သိရသည်။

ဇွန် ၁၃ ရက်၊ မွန်းလွဲ ၂ နာရီ ၄၅ မိနစ်အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များသည် တန့်ယန်းမြို့၊ အမှတ်(၈)ရပ်ကွက်နေ မနန်းလူ နှင့် အိုက်ပန်း တို့၏နေအိမ်ကိုရှာဖွေရာ အိုက်ပန်း မှာ ထွက်ပြေးသွားပြီး နေအိမ်ခြံဝင်းအတွင်းမှ စိတ်ကြွရူးသွပ်ဆေးပြား ၈,၀၀၀ ပြား သိမ်းဆည်းရမိသဖြင့် မနန်းလူ(၂၇)နှစ်အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူ ထားကြောင်း သိရသည်။ 

ဆွေဦး