ဝါရှင်တန် နိုဝင်ဘာ ၃၀
ကမ္ဘာ့အကြီးဆုံးမီးတောင်များ အနက်တစ်ခုအပါအဝင်ဖြစ်သည့် ဟာဝိုင်အီကျွန်းရှိ မာနာလိုရာမီးတောင် သည် ၁၉၈၄ ခုနှစ်နောက်ပိုင်းပထမဆုံးအကြိမ်ပေါက်ကွဲမှုဖြစ်ပွားနေကြောင်းသိရသည်။
ချော်ရည်ပူများသည် မီးတောင်ထိပ် တွင် ရှိနေခြင်းကြောင့်လူနေအိမ်များ အတွက်အန္တရာယ်မရှိသေးသော်လည်း မီးခိုးပြာများနှင့်ဓာတ်ငွေ့များမှုတ်ထုတ် နိုင်သည့်အန္တရာယ်ဖြစ်လာနိုင်ကြောင်းအာဏာပိုင်များက သတိပေးပြောကြား ထားသည်။
လက်ရှိအချိန်အထိလူများကိုဘေးလွတ်ရာ ရွှေ့ပြောင်းရန်အမိန့်ထုတ်ပြန် ထားခြင်းမရှိသေးသကဲ့သို့ လူနေထူထပ် သည့်နေရာများကိုလည်း ယခုအနေ အထားအရ ထိခိုက်မှုမရှိနိုင်သေး ကြောင်း တာဝန်ရှိသူများက ဆိုသည်။
မာနာလိုရာမီးတောင်သည်ဟာဝိုင် အီကျွန်းတွင်တည်ရှိသည့် မီးတောင်ငါးခု အနက်အကြီးဆုံးမီးတောင် တစ်ခုဖြစ် ပြီး ၁၉၈၄ ခုနှစ်က နောက်ဆုံးအကြိမ်အဖြစ်ပေါက်ကွဲခဲ့ပြီးနောက်ကျွန်း၏လူနေအထူထပ်ဆုံးမြို့တစ်ခုဖြစ်သည့်ဟိုလိုမြို့အနီးအထိချော်ရည်များစီးဆင်းခဲ့ကြောင်း သိရသည်။ (Ref:BBC)