မလေးရှားတွင် ရွေးကောက်ပွဲများ စတင်ကျင်းပ
ကွာလာလမ်ပူ၊ နိုဝင်ဘာ ၂၀
မလေးရှားနိုင်ငံ၏ အထွေထွေ ရွေးကောက်ပွဲများကို နိုဝင်ဘာ ၁၉ ရက်တွင် စတင်နေပြီဖြစ်ရာ ပြည်သူ များက မဲပေးဆောင်ရွက်မှုများ ပြုလုပ် နေကြပြီ ဖြစ်သည်။
ယခု အထွေထွေရွေးကောက်ပွဲ သည် ၂၀၁၈ ခုနှစ် မဲပေးမှုနောက်ပိုင်း ဝန်ကြီးချုပ် ၃ ယောက် ပြောင်းလဲကာ ညွန့်ပေါင်းအစိုးရ ၂ ခုပြိုကွဲပြီးနောက် မလေးရှားနိုင်ငံရေးကို ပြန်လည် တည်ငြိမ်စေရန် လုပ်ပေးနိုင်မည်ဟု ပြည်သူများက မျှော်လင့်လျက်ရှိသည်။
မဲပေးပြည်သူများသည် စီးပွားရေး၊ လူနေမှုစရိတ် မြင့်တက်မှု၊ နိုင်ငံရေး မတည်ငြိမ်မှုများနှင့် ပတ်သက်ပြီး စိုးရိမ်နေကြကာ ရွေးကောက်ပွဲတွင် မလေးရှားနိုင်ငံ၏ လက်ရှိဝန်ကြီးချုပ် အစ္စမေး ဆာဘရီဘင်ဟာကော့၊ အတိုက်အခံ ခေါင်းဆောင် အန်ဝါအီ ဘရာဟင်နှင့် ဝန်ကြီးချုပ်ဟောင်း မူရဒ်ဒင်ရာ့ဆင်တို့ ဦးဆောင်သည့် အဓိကညွန့်ပေါင်း အဖွဲ့အစည်း ၃ ခု ကြား အကြိတ်အနယ် ယှဉ်ပြိုင်လျက် ရှိကြောင်း သိရသည်။
လက်ရှိ စစ်တမ်းများအရ ဝန်ကြီး ချုပ် အစ္စမေးဆာဘရီဘင်ဟာကော့၏ မလေးအမျိုးသား တပ်ပေါင်းစု ပါတီ ဦးဆောင်သည့် ညွန့်ပေါင်းအဖွဲ့က အနိုင်ရနိုင်ခြေ ပိုများနေကြောင်း သိရ သည်။
ရဲခေါင် (ref: CNN)
