တက္ကဆက်၊ နိုဝင်ဘာ ၁၅
တက္ကဆက်ပြည်နယ်တွင် ကျင်းပ သော ဒုတိယကမ္ဘာစစ် အထိမ်းအမှတ် လေကြောင်းပြပွဲ၌ ခေတ်ဟောင်း စစ်လေယာဉ်နှစ်စင်း စွမ်းရည်ပြ ပျံသန်းစဉ် တိုက်မိပြီး မြေပြင်ပေါ်သို့ ပျက်ကျရာ လူ ၆ ဦး သေဆုံးသွားကြောင်း တာဝန်ရှိသူများက နိုဝင်ဘာလ ၁၄ ရက်တွင် ပြောသည်။
တိုက်မိသော လေယာဉ်နှစ်စင်းသည် ဘိုရင်း ဘီ-၁၇ ဖလိုင်းရင်း ဖောထရက်စ်နှင့် ဘဲလ် ပီ-၆၃ ကင်းကိုဘရာ လေယာဉ် အသေးတစ်စင်းတို့ ဖြစ်သည်။
ဘီ-၁၇ တွင် ပုံမှန်အားဖြင့် အဖွဲ့ဝင် လေးဦးမှ ငါးဦးအထိ ပါဝင်လေ့ရှိသော်လည်း ပီ-၆၃ တွင်မူ လေယာဉ်မှူး တစ်ဦးကသာ မောင်းနှင်ရကြောင်း ဂုဏ်ပြုလေတပ် - CAF ၏ အမှုဆောင်အရာရှိချုပ်က ပြောသည်။
ထိုသို့သော ပြပွဲများ၌ မောင်းနှင်ရသည့် လေယာဉ်မှူးများသည် စေ့စပ်သေချာစွာ လေ့ကျင့်ယူထားသော အတွေ့အကြုံ ရှိ စေတနာ့ဝန်ထမ်းများဖြစ်ပြီး အငြိမ်းစား ယူထားသော စစ်ဘက်လေယာဉ်မှူးများ လည်းမကြာခဏဆိုသလို ပါဝင်လေ့ရှိ ကြောင်း ၎င်းကဆိုသည်။
ရဲခေါင် (ref: CNA)