ကျောက်တော် ဇွန် ၁၃
ရခိုင်ပြည်နယ် ကျောက်တော်မြို့နယ် အပေါက်ဝကျေးရွာ တိုက်နယ်ဆေးရုံကိုလုံခြုံရေး စိတ်မချရခြင်း ကြောင့် ဇွန် ၁၂ ရက် မွန်းလွဲပိုင်းတွင်ကျောက်တော်မြို့ပေါ်ကိုအရေးပေါ်ပြောင်းရွှေ့လိုက်ရကြောင်းသိရသည်။
အဆိုပါ ဆေးရုံအနီးတွင် တိုက်ပွဲများ ဖြစ်ပွားလာမည်ကိုစိုးရိမ်ခြင်းကြောင့် မြို့ပေါ်ဆေးရုံကြီးကိုပြောင်း ရွှေ့လိုက်ရခြင်းဖြစ် ကြောင်းအပေါက်ဝတိုက်နယ် ဆရာဝန် ဒေါက်တာကျော်စွာဝင်းကပြောသည်။
လက်ရှိအပေါက်ဝတိုက်နယ်ဆေးရုံတွင် တာဝန်ထမ်းဆောင်နေသောဝန်ထမ်း ၁၃ ဦးနှင့် တက်ရောက် ကုသနေသည့် လူနာသုံးဦးရှိပြီးအားလုံးကို မြို့ပေါ်ဆေးရုံကိုပြောင်းရွှေ့လိုက်ရခြင်းဖြစ်ကြောင်းဆိုသည်။
အပေါက်ဝကျေးရွာတွင် ပြီးခဲ့သည့် ဇွန်လ ၈ ရက်မှ ၁၀ ရက်အထိလက်နက်ငယ်များဖြင့် ပစ်ခတ်ခံရခြင်းကြောင့် ဒေသခံလူသုံးဦးထိခိုက်ဒဏ်ရာရရှိခဲ့ကြောင်းသိရသည်။
အပေါက်ဝတိုက်နယ် ဆရာဝန် ဒေါက်တာကျော်စွာဝင်းက “ လုံခြုံရေးစိတ်ချရတဲ့အချိန်ကျမှ တိုက်နယ် ဆေးရုံကို ပြန်ကြမှာ ဖြစ်တယ်”ဟုပြောကြားခဲ့သည်။
မြင့်မြတ်အောင်မြင်