ကန်စွန်းရွက်စားသုံးပေးခြင်းဖြင့် အသားအရေကို လှပစေနိုင်

ဇွန်  ၁၂

ကန်စွန်းရွက်သည် ကျန်းမာရေးအတွက် အထောက်အကူဖြစ်စေရုံသာမက အသားအရေကိုလည်း လှပသန့်ရှင်း စေနိုင်ကြောင်း သိရသည်။
ဝက်ခြံ၊ တင်းတိပ်၊ အမည်းစက်များနှင့် မျက်နှာအသားအရေ အရောင်မညီဖြစ်ခြင်းများအတွက် ကန်စွန်းရွက်ကို ကြိတ်ပြီး ယင်းအရည်တစ်မျိုးတည်း လိမ်းပေးခြင်းဖြင့် သက်သာလာစေနိုင်သည်။ ကန်စွန်းရွက်ရည် စားပွဲတင် ဇွန်း ၄ ဇွန်းကို ပျားရည်တစ်ဇွန်းနှင့် သမအောင်မွှေကာ ခန္ဓာကိုယ်ကို နေ့/ည ပုံမှန်လိမ်းပေးခြင်းဖြင့်လည်း အသားအရေကို ဝင်းလက်စိုပြေလာစေနိုင်သည်။

ဆံပင်မသန်၍ စိတ်ညစ်နေသူများအတွက် ကန်စွန်းရွက်အရည်ကိုညှစ်ပြီး ဦးရေပြားထဲစိမ့်ဝင်အောင် နှိပ်နယ် ပေးခြင်းဖြင့် ဆံကေသာကို အရှည်မြန်စေမည်ဖြစ်သည့်အပြင် ဗောက်များကိုလည်း ကင်းစင်စေသည်။

မီးဟပ် ခြင်းနှင့် မီးလောင်ဒဏ်ရာများအတွက် ကန်စွန်းရွက်အရည်ကို သကြားနှင့်ရောစပ်ကာလိမ်းပေးခြင်းဖြင့် အပူ လောင်ခြင်းကို သက်သာစေကာ အမာရွတ်မကျန် ပျောက်ကင်းစေနိုင်သည်။

(သူရိန်)