အင်းစိန်မြို့နယ်၌ COVID-19 ရောဂါကာကွယ်နိုင်စေရန်အတွက် လိုအပ်သည့်ပစ္စည်းများ လှူဒါန်း

ရန်ကုန် ဧပြီ ၄ ရန်ကုန်တိုင်းဒေသကြီး၊ မြောက်ပိုင်းခရိုင်၊ အင်းစိန်မြို့နယ်၌ COVID-19 ရောဂါ ကာကွယ်နိုင်စေရန် အတွက် လိုအပ်သည့်ပစ္စည်းများ လှူဒါန်းခြင်းကို ဧပြီ ၄ ရက်၊ နံနက် ၁၁ နာရီအချိန်က အင်းစိန်မြို့နယ် ခန်းမတွင် လှူဒါန်းခဲ့သည်။ လှူဒါန်းရာတွင် အင်းစိန်မြို့နယ် Coronavirus Disease 2019 (COVID-19) ရောဂါ ကာကွယ်၊ ထိန်းချုပ်၊ ကုသရေးကော်မတီသို့ COVID-19 ရောဂါ ကာကွယ်ကုသရေးအတွက် နံ့သာကုန်းရပ်ကွက်၊ ဇီးအုံကုန်းလမ်း၊ ဦးနေလင်းကြည်၊ ဒေါ်လဲ့လဲ့ခိုင်မိသားစုက PPE ဝတ်စုံ ၃၀ ၊ FACE MASKS ၅၀၀ စုစုပေါင်းတန်ဖိုးငွေကျပ် ၁၁ သိန်းကို လှူဒါန်းရာ အင်းစိန်မြို့နယ်၊ အမျိုးသားလွှတ်တော်ကိုယ်စားလှယ် ဒေါ်နော်လှလှစိုး၊ အင်းစိန်မြို့နယ် မဲဆန္ဒနယ်အမှတ် (၂) တိုင်းဒေသကြီးလွှတ်တော်ကိုယ်စားလှယ် ဦးဝေဖြိုးဟန်၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ ရန်ကုန်မြောက်ပိုင်းခရိုင်(အင်းစိန်)၊ ခရိုင်ဦးစီးအရာရှိ ဒေါ်အေးအေးခိုင်နှင့် တာဝန်ရှိသူ များက လက်ခံရယူခဲ့စဉ်။ ဇွဲထက်ကို (ပြန်/ဆက်)