အသက်ရှည်အနာမဲ့ရေး

ကျန်းမာခြင်းသည်      လာဘ်ကြီးတစ်ပါးဖြစ်သည်။ ကျန်းမာခြင်းဆိုရာတွင်  ကိုယ်၏ကျန်းမာခြင်း၊    စိတ်၏ ကျန်းမာခြင်းနှစ်မျိုးရှိ၏။ ကိုယ်ကျန်းမာမှစိတ်ချမ်းသာမည် ဖြစ်သကဲ့သို့ စိတ်ချမ်းသာမှကိုယ်ကျန်းမာမည်ဖြစ်၏။

လူ၏ကျန်းမာရေးတွင် စိတ်ချမ်းသာပါလျှင် ကိုယ်လည်း လန်းဆန်း၍ အရာရာအဆင်ပြေနိုင်၏။ လုပ်ငန်းခွင်ဝင်ချိန် မှစ၍    လုပ်ငန်းခွင်ပြီးဆုံးချိန်အထိ    နောက်ဆံမတင်း ပြည့်ပြည့်ဝဝလုပ်ဆောင်ကြရပြီး၊ စိတ်လွတ်ကိုယ်လွတ် အနားယူကြရ၏။ အနားယူသဖြင့်လည်း ကိုယ်လက်လန်းဆန်း ကာ အင်အားပြည့်ဖြိုးပြီး  နောက်တစ်ရက်အတွက် အင်အား သစ်ကိုတိုးစေ၏။   ထိုအခါ  လုပ်ငန်းများစနစ်တကျနှင့် အောင်မြင်ဖြစ်ထွန်းလာ၏။

ကျွန်ုပ်တို့မှာ အောင်မြင်လို၏။ လန်းဆန်းလို၏။ သို့သော် ထူထောင်ဆဲ၊ ရုန်းကန်နေရဆဲမှာ နှစ်ရှည်ကြာမြင့်လာ၏။ ထိုအခါ တိုးတက်လာသည်မှာ အလုပ်များဖြစ်ပြီး၊ ဆုတ်ယုတ် လာသည်မှာ ကျန်းမာရေးဖြစ်၏။

ကျန်းမာရေးဝန်ကြီးဌာနသည် လူတိုင်းသက်တမ်းစေ့ အသက်ရှည်စွာနေထိုင်နိုင်ရေးနှင့်     လူတိုင်းရောဂါဘယ ကင်းရှင်းရေးဟုဆိုသည့် ရည်မှန်းချက်နှစ်ရပ်ကို အကောင် အထည်ဖော်ဆောင်ရွက်ရာတွင် ကျေးလက်ဒေသအောက်ခြေ အထိ ကျန်းမာရေးအသိပညာမြှင့်တင်ပေးခြင်းနှင့် ကျန်းမာ ရေးနှင့်ပတ်သက်သည့် Health Service ပေးခြင်းကို ဆောင် ရွက်ပေးလျက်ရှိသည်။ 

လူတစ်ဦးတစ်ယောက် ရောဂါဖြစ်ခြင်းအကြောင်းအရင်း ကို  ဆန်းစစ်သော် အစားအသောက်ကြောင့် ရောဂါဖြစ်ရခြင်း၊ ကူးစက်ရောဂါများကြောင့်   ရောဂါဖြစ်ရခြင်း၊   ကိုယ်လက် လှုပ်ရှားမှုနည်းရခြင်းအချက်သုံးချက်ပင်ဖြစ်သည်။ 

ကျန်းမာမှ အလုပ်လုပ်နိုင်မည်ဖြစ်၍ ကျန်းမာရေးကို ဦးစားပေးသင့်သည်။ အချိန်ကာလကန့်သတ်ချက်ကို အတိ အကျလိုက်နာသင့်၏။ လုပ်ငန်းလည်းအောင်မြင်၏။ အနားယူ မှုလည်းရစေ၏။ မှန်မှန်အိပ်၊ မှန်မှန်စား၊ ကိုယ်လက်လှုပ်ရှား မှုကို ပုံမှန်ပြုလုပ်ခြင်းတို့ ဆောင်ရွက်ပေးသင့်ပေ၏။ ထို့ကြောင့် အလုပ်လည်းလုပ်ပါ။ အနားလည်းယူပါဟု ဆိုချင်၏။

အလုပ်သည် အရေးကြီးသကဲ့သို့ ကျန်းမာရေးအတွက် လည်းများစွာအရေးပါလှသဖြင့်      ချင့်ချိန်ပိုင်းခြားကာ  လုပ်တတ်၊ ကိုင်တတ်ဖို့ လိုအပ်မည်ဖြစ်ပါကြောင်း ။ ။