ဘရာဇီးနိုင်ငံကျန်းမာရေးဝက်ဘ်ဆိုက်တွင် COVID-19 ကိန်းဂဏန်းအချက်အလက် အပြည့်အစုံပြန်လည်ဖော်ပြ

ဘရာစီလီယာ   ဇွန်   ၁၀

အထက်တရားရုံးချုပ်ကအမိန့်ချမှတ်ခဲ့ပြီးနောက် နာရီပိုင်းအကြာတွင် ဘရာဇီးနိုင်ငံကျန်းမာရေးဌာန ဝက်ဘ်ဆိုက်၌ COVID-19 ကူးစက်ခံရမှုကိန်းဂဏန်းအချက်အလက်များကိုအပြည့်အစုံပြန်လည်ဖော်ပြခဲ့သည်။

ပြီးခဲ့သည့်စနေနေ့တွင် ဘရာဇီးနိုင်ငံကျန်းမာရေးဝန်ကြီးဌာနက COVID-19 ကူးစက်ခံရသူ၊ သေဆုံးသူစုစုပေါင်းအရေအတွက်ကိုဖော်ပြတော့မည်မဟုတ်ဟုကြေညာခဲ့ရာဝေဖန်မှုများပေါ်ပေါက်ခဲ့သည်။

ဘရာဇီးအစိုးရကကျန်းမာရေးဆိုင်ရာအချက်အလက်များကိုပါ ဆင်ဆာဖြတ်နေသည်ဟုစွပ်စွဲမှုများ                       ထွက်ပေါ်လာခဲ့ရာပြီးခဲ့သည့်အင်္ဂါနေ့တွင် အထက်တရားရုံးချုပ် တရားသူကြီးကဝက်ဘ်ဆိုက်တွင် ကိန်းဂဏန်း                     အချက်အလက်များအပြည့်အစုံဖော်ပြပေးရန် အမိန့်ချမှတ်ခဲ့သည်။

ဘရာဇီးနိုင်ငံမှာကမ္ဘာပေါ်တွင် COVID-19 ရောဂါကူးစက်ခံရသူဒုတိယအများဆုံးဖြစ်ပြီးလက်ရှိအချိန်တွင်  တစ်နေ့တာသေဆုံးသူအရေအတွက်မှာလည်းအခြားနိုင်ငံများထက် ပိုများနေသည်။                           

(KNT)