လက်ကိုင်မပါမောင်းသူ မဲ့ယာဉ် တရုတ်ပြသ

ပေကျင်း၊ ဇူလိုင် ၂၃ 

စတီယာရင် လက်ကိုင် ပါဝင်ခြင်း မရှိသည့် Apollo RT6 အမည်ရ စက်ရုပ် ကားကို တရုတ်အဏာပိုင်များကလာမည့် နှစ် အတွင်း လမ်းမများပေါ် မောင်းနှင်ရန် ခွင့်ပြုချက်ပေးလိုက်ပြီဖြစ်ကြောင်း ဇူလိုင် ၂၂ ရက်တွင် Baidu ကုမ္ပဏီ၏ အကြီးတန်း ဒုတိယဥက္ကဋ္ဌဖြစ်သူ Li Zhenyu က ပြောသည်။ 

မောင်းသူမဲ့ယာဉ်၏ မောင်းနှင်နိုင် မှုစွမ်းရည်သည် ယာဉ်မောင်းနှင်မှု အနှစ် ၂၀ ကျော် အတွေ့အကြုံရှိသည့် လူသားတစ်ဦးနှင့် ယှဉ်ပြိုင်နိုင်မည် ဖြစ်ပြီး ယာဉ်၏ဈေးနှုန်းသည် ယွမ် ၂၅၀,၀၀၀ (ပေါင် ၃၁,၀၀၀) ကျသင့်မည် ဖြစ်ကြောင်း သိရသည်။ 

အဆိုပါ မောင်းသူမဲ့ယာဉ်အသစ်တွင် လူသား ဝင်ရောက်စွက်ဖက်ရန်မလိုသည့် ကိုယ်ပိုင်ထိန်းချုပ်မောင်းနှင်မှု Level 4 စွမ်းရည် ပါဝင်မည်ဖြစ်ပြီးအရာဝတ္ထုနှင့် အကွာအဝေးကို တိုင်းတာပေးမည့် Lidars ၈ ခု ပါဝင်မည် ဖြစ်ကာ ကင်မရာ ၁၂ လုံးကိုလည်း တပ်ဆင်ပေးထားမည် ဖြစ်သည်။ 

တရုတ်နိုင်ငံသည် ကမ္ဘာတစ်ဝန်း မောင်းသူမဲ့ယာဉ် နည်းပညာကိုဦးဆောင် ရန် ကြိုးပမ်းလျက်ရှိနေပြီး အမေရိကန် ကမူ အဆိုပါနည်းပညာကဏ္ဍတွင် အနည်းငယ် နောက်ကျနေကြောင်းသိရ သည်။                    

        (ref: Bloomberg)