နှစ်ခြိုက်စွာအိပ်စက်ခြင်း
လူတစ်ဦးဟာ ည (၆-၈)နာရီအထိ နှစ်ခြိုက် စွာ အိပ်စက်အနားယူဖို့ လိုအပ်ပါတယ်။ အိပ်စက် တာဟာ အလှအပ၊ အလုပ်အကိုင်တို့နဲ့ ယှဉ်တွဲ နေတတ်တယ်။ ညဘက်ကောင်းကောင်းအိပ် မပျော်တာကြောင့် မနက်ခင်းမှာ ကြည်လင်မှု မရှိဘဲ တက်ကြွတဲ့လန်းဆန်းမှုလည်း မရရှိနိုင် ပါဘူး။ မနက်ခင်းမှာ လှလှပပနိုးထလာနိုင်စေဖို့ ညအိပ်ရာမဝင်ကတည်းက ဂရုစိုက်သင့်တဲ့ အချက်တွေရှိပါတယ်။ နှစ်နှစ်ခြိုက်ခြိုက်အိပ် ပျော်ဖို့ဆိုရင် အိပ်မပျော်တဲ့အရာတွေ ရှောင်ကြဉ် ပြီး နှစ်နှစ်ခြိုက်ခြိုက်အိပ်ပျော်စေတဲ့အကြောင်းတွေ လိုက်နာသင့်ပါတယ်။
ညဘက်အိပ်မပျော်ဘူးဆိုသူတွေ ညဘက် အိပ်မရဘူးဆိုသူတွေ ညဘက်ဖုန်း အသုံးကြမ်း တာ၊ အစာစားတာနောက်ကျတာ၊ နေ့ဘက် အိပ်စက်တာတွေက အနှောင့်အယှက်ပြုတာ သတိထားမိပါတယ်။
ညစာ အများကြီးစားခြင်း။ ညစာကို ဗိုက် အရမ်းတင်းအောင် စားလိုက်ပြီး ပရိုတိန်းတွေ များတာက အိပ်စက်မှုကို အနှောင့်အယှက်ဖြစ် စေပါတယ်။ ကိုယ့်ခန္ဓာကိုယ်က အိပ်စက်နေချိန် မှာ အစာခြေစနစ်ကို လုပ်ဆောင်ဖို့ နှေးနေတယ်။ ညစာ အများကြီးစားမိသူဟာ ပရိုတိန်း(Protein)များတာကြောင့် အိပ်စက်မှုအနှောင့်အယှက်ဖြစ် စေတယ်။ ခန္ဓာကိုယ်ကအိပ်စက်နေချိန်မှာ အစာ ခြေစနစ်ကို လုပ်ဆောင်ဖို့ နှေးကွေးနေလို့ပဲဖြစ် တယ်။
အရက်သောက်ပြီး အိပ်စက်ခြင်းမပြုသင့် ပါဘူး။ လူအများစုက အရက်သောက်ပြီး အိပ်စက်တာက ပိုအိပ်ပျော်စေတယ်လို့ ထင်တတ် ကြတယ်။ အရက်သောက်ပြီး အိပ်တာဟာ နိုးတစ်ဝက်၊ အိပ်တစ်ဝက် အိပ်ပျော်တာမျိုးဖြစ် တယ်။ အိပ်မက်မက်သလို၊ အိပ်ပျော်သလိုဖြစ် နေပြီး ကြာရင်မှတ်ဉာဏ်နဲ့ သင်ယူနိုင်စွမ်း လျော့နည်းလာစေပါတယ်။
ညနေဘက် ကဖင်းပါတဲ့ ကော်ဖီမသောက်ဖို့ လိုတယ်။ ကဖင်းပါတဲ့ ဖျော်ရည်တွေက ၁၂ နာရီ လောက် လန်းဆန်းစေတယ်။ ညနေခင်းကော်ဖီ သောက်တာမျိုးက အိပ်စက်မှုကို အနှောင့်အယှက် ဖြစ်စေပါတယ်။
အိပ်ဆေးသောက်ခြင်းဟာ ကိုယ့်ကိုအိပ်ပျော် စေပါတယ်။ အမြဲတမ်းသုံးစွဲရင် အန္တရာယ်များပြီး နောက်ပိုင်း အိပ်ဆေးမသောက်တာနဲ့ အိပ်မပျော် တဲ့ ပြဿနာဖြစ်လာနိုင်တယ်။
အိမ်မွေးတိရစ္ဆာန်နဲ့အတူ မအိပ်စက်သင့်ပါ ဘူး။ အိမ်မွေးတိရစ္ဆာန်တွေက မကြာခဏနိုးထ တတ်ကြပြီး သူတို့နိုးလာချိန်မှာ ကိုယ့်ခန္ဓာပေါ်နင်း ပြီး လျှောက်သွားလာတတ်တာကြောင့် အိပ်စက် မှု အနှောင့်အယှက်ဖြစ်စေတယ်။ အိမ်မွေး တိရစ္ဆာန်တွေကို သူတို့ကိုယ်ပိုင်အိပ်ရာနဲ့ အခန်း အပြင်မှာ သီးသန့်အိပ်စေသင့်ပါတယ်။
မအိပ်ခင် တီဗီမကြည့်သင့်ပါဘူး။ ညအချိန်မှာ ကိုယ့်ခန္ဓာကိုယ်က အမှောင်ထုကို ခံစားကြည့်ချင် ပါတယ်။ တီဗီ၊ ဖုန်း၊ လျှပ်စစ်ပစ္စည်းနဲ့ ကွန်ပျူတာ အလင်းရောင်တွေက ကိုယ့်ခန္ဓာကိုယ်ကိုထိခိုက် ပြီး အိပ်စက်မှုအပေါ် အနှောင့်အယှက်ဖြစ်စေ တယ်။ ကိုယ်က နာရီအနည်းငယ်အတွင်း အိပ် ရင် ကိစ္စမရှိပေမယ့် ဖေ့ဘွတ်၊ တက်ဘလက်၊ ကွန်ပျူတာတွေက အိပ်စက်မှုကို များစွာအနှောင့် အယှက်ဖြစ်စေပါတယ်။ ကိုယ်က နာရီနှိုးစက်ပေးဖို့ လိုအပ်လို့အခန်းထဲမှာ နာရီအလင်းရောင်ထားရ ရင် အဝတ်အုပ်ထားသင့်ပါတယ်။ မကြာခဏနာရီ ထကြည့်တာမျိုး မပြုသင့်ပါဘူး။
နေ့ခင်းဘက် ကြာကြာအိပ်စက်ခြင်း ရှောင် ကြဉ်သင့်ပါတယ်။ နေ့ခင်းဘက်တစ်မှေးအိပ်စက် တာဟာ ညဘက်ကောင်းစွာ အိပ်ပျော်စေတာ မှန်တယ်။ (၁၅-၄၅)မိနစ်ထက် ပိုမအိပ်သင့်ပါဘူး။ ကျပ်လွန်းတဲ့ အဝတ်အစားတွေ၊ ကြယ်သီးအလုံး တွေနဲ့ အလှဆင်ထားတဲ့ အဝတ်အစားတွေနဲ့ သက်သောင့်သက်သာမရှိတဲ့ အိပ်ရာခင်းတွေ ကြောင့် ကိုယ့်အိပ်စက်မှုကို အနှောင့်အယှက်ဖြစ် စေပါတယ်။ အိပ်စက်ချိန်မှာ ချည်သားအိပ်ရာခင်း နဲ့ ညအိပ်ဝတ်စုံကို ရွေးချယ်အိပ်စက်သင့်ပါတယ်။
ညစ်ပေတဲ့ ခြေထောက်၊ မျက်နှာတို့နဲ့ အိပ်ရာ ဝင်ခြင်း မပြုသင့်ပါဘူး။ ကိုယ့်အိပ်ရာထဲမှာ ခန္ဓာ ကိုယ်က ဆဲလ်သေတွေနဲ့ ပြည့်နေပြီး ဖြစ်တယ်။ ဒါကို ခြေထောက်မသန့်ရှင်းဘဲ၊ မိတ်ကပ်မဖျက်ဘဲ အိပ်ရာဝင်မယ်ဆိုရင် ကိုယ့်မျက်နှာ၊ ကိုယ့်ခြေ ထောက်က အညစ်အကြေးနဲ့ ဘက်တီးရီးယား တွေက ကိုယ့်အိပ်ရာခင်းပေါ် ကောင်းကောင်း ပေါက်ပွားစေတယ်။ ကိုယ့်အိပ်စက်မှုကို အနှောင့် အယှက်ဖြစ်စေတယ်။ ခြေလက်ဆေးကြောခြင်း၊ မိတ်ကပ်ဖျက်ခြင်း၊ မျက်နှာသေချာစွာ သစ်ပြီး သန့်စင်ပြီးမှ အိပ်ရာဝင်သင့်တယ်။ ရေနွေးနဲ့ ရေချိုးသင့်ပါတယ်။
စိတ်ဖိစီးမှုနဲ့ စိုးရိမ်စိတ် မများသင့်ပါဘူး။ စိတ်ဖိစီးမှု၊ စိတ်လှုပ်ရှားမှုနဲ့ စိုးရိမ်စိတ်တွေက ကိုယ့်အိပ်စက်မှုရဲ့ အဓိကအနှောင့်အယှက်တွေ ဖြစ်တယ်။ အသက်ရှူလေ့ကျင့်ခန်းတွေ မှန်မှန် လုပ်ပြီး စိတ်ဖိစီးမှုတွေ လျှော့ချသင့်တယ်။
နှစ်ခြိုက်စွာ အိပ်ပျော်စေတဲ့ နည်းလမ်းတွေရှိပါ တယ်။ ညအိပ်ရာဝင်ချိန်အိပ်ပျော်ပြီး ကြည်ကြည် လင်လင်ရှိဖို့ လိုအပ်ပါတယ်။
မီးပိတ်ပြီး အိပ်ရာဝင်သင့်ပါတယ်။ သက်သောင့် သက်သာ လဲလျောင်းအိပ်စက်သင့်ပါတယ်။ လဲလျောင်းပြီးတာနဲ့ မျက်လုံးမှိတ်ကာ အသက် ပြင်းပြင်းရှူထုတ်၊ ရှူသွင်းငါးကြိမ်ပြုလုပ်ကာ အခန်း အမှောင်ချဖို့လိုပြီး လင်းနေတာဟာအိပ်စက်မှုကို အနှောင့်အယှက်ဖြစ်စေပါတယ်။
တင်းအားတွေ ဖြေလျှော့သင့်ပါတယ်။ အိပ်ရာ ခင်းကတည်းက ပူလောင်မှုကင်းစင်ပြီး နူးညံ့မှုရှိ သင့်တယ်။ ခြေသလုံးနဲ့ ခြေဖဝါးနေရာမှာ တင်းအားတွေ ကင်းသင့်တယ်။ ခြေချောင်း လေးတွေ ကုတ်လိုက်၊ ပြန်ဖြန့်လိုက်ငါးကြိမ်စီ လောက်ပြုလုပ်ပေးသင့်တယ်။ အသက်ရှူသွင်း၊ ရှူထုတ်ကို ၁၀ စက္ကန့်ကြာ ပြုလုပ်ပေးသင့်ပါ တယ်။ ကြွက်သားတွေတင်းမာမှုပြေလျော့စေ ပါတယ်။
မျက်လုံးပိတ်ထားသင့်ပါတယ်။ မျက်လုံး ကိုပိတ်ထားလို့ ရှစ်မိနစ်လောက်ကြာတာနဲ့ အိပ်ပျော်သွားစေတယ်။ မျက်လုံးတွေကို အတင်း ဖိ၊ အတင်းညှစ် မပိတ်စေသင့်ဘူး။ အရေး ကြောင်းတွေ ထင်စေပါတယ်။
ခံစားမှုကောင်းသင့်ပါတယ်။ အိပ်ရာမှာ ဒေါသ၊ လောဘ၊ မောဟတွေ မရှိသင့်ဘူး။ သက်သောင့်သက်သာလှဲအိပ်ပြီး စိတ်ပျော်ရာ ပျော်ကြောင်း တစ်ခုခုတွေးလိုက်တာမျိုး၊ ပြုံး လိုက်တာမျိုးက စိတ်ကူးကောင်းတွေနဲ့ ကျေနပ် နှစ်ခြိုက်စွာ အိပ်ပျော်စေပါတယ်။ ပုံမှန်နာရီဝက်၊တစ်နာရီကြာတရားဘာဝနာရှုမှတ်သင့်ပါတယ်။
နေ့စဉ်ပုံမှန် အားကစားနာရီဝက်မှ တစ်နာရီ ကြာ ပြုလုပ်သင့်ပါတယ်။ အပြေး၊ လမ်းလျှောက်၊ ရွရွပြေး၊ စက်ဘီးစီး၊ ရေကူးပြုသင့်ပါတယ်။ ပိုလျှံ တဲ့ ကယ်လိုရီကို ချွေးအဖြစ် စွန့်ထုတ်စေကာ အဆီအဖြစ် မစုစည်းနိုင်လို့ အဝလွန်ခြင်းမှ ကာကွယ်ပေးနိုင်တယ်။ အစာကြေ၊ အကြောပြေ စေပြီး အိမ်မောကျစေနိုင်ပါတယ်။
အသက်ရှူထုတ်သင့်ပါတယ်။ အသက်ရှူ သွင်းလိုက်ပြီး ငါးစက္ကန့်လောက်အောင့်ကာ အသက်ကို ပြန်ရှူထုတ်သင့်တယ်။ အဲဒီလိုပုံစံ သုံးကြိမ်လောက်လုပ်ပေးရင် အိပ်မောကျစေပါ တယ်။
အိပ်ရာထဲ အိမ်စာတွေ၊ အလုပ်တွေယူမလာ သင့်ပါဘူး။ ညဘက် (၆-၈)နာရီ အပြည့်အဝ အိပ်စက်နိုင်အောင် ညဘက်အိမ်စာတွေ အလုပ် ကြွေးကျန်တွေ အိပ်ရာထဲ ယူမလာသင့်ပါဘူး။ ဖြစ်နိုင်ရင် တစ်ယောက်တစ်ခန်း အိပ်သင့်ပြီး တစ်ဦးနဲ့တစ်ဦး တိုက်မိ၊ ထိမိ၊ အသက်ရှူသံ တွေကြောင့် အိပ်မပျော်နိုင်တာတွေ ရှောင်ရှားဖို့ လိုအပ်ပါတယ်။ ။ဒေါက်တာလွင်သန့်
