ရေကြည်မြို့နယ်အတွင်း COVID-19 ရောဂါကာကွယ်ရေးအတွက် ပိုးသတ်ဆေးဖျန်းခြင်းနှင့် အသိပညာပေးလုပ်ငန်းများ အရှိန်အဟုန်မြှင့် ဆောင်ရွက်လျက်ရှိ
ရေကြည် ဧပြီ ၄ ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်အတွင်းရှိ ပြည်သူများ COVID-19 ရောဂါ မဖြစ်ပွား စေရန်ရည်ရွယ်၍ အမှတ်(၁)တိုင်းဒေသကြီးလွှတ်တော်ကိုယ်စားလှယ် ဦးမျိုးညွန့်၊ မြို့နယ်စည်ပင်သာယာရေး ကော်မတီနှင့်မြို့နယ်အဆင့်ဌာနဆိုင်ရာများ ပူပေါင်းကာ ဧပြီ ၃ ရက်၊ နံနက် ၉ နာရီက လူအများသွားလာ သည့်နေရာများဖြစ်သည့် ဘူတာရုံ၊ ဈေး၊ စောင့်ကြည့်လူနာများထားရှိရာ ကျောင်း၊ လမ်းဆုံလမ်းခွများနှင့် ဆိုက်ကားဂိတ်၊ ကားဂိတ်နှင့်ဆိုင်ကယ် ကယ်ရီဂိတ်များတွင် ပိုးသတ်ဆေးဖျန်းခြင်း၊ နှာခေါင်းစည်းများ ပေးဝေခြင်းနှင့် လက်ကမ်းစာစောင်ပေးဝေခြင်းများကို ဆောင်ရွက်ခဲ့စဉ်။ အောင်သူဟန်(ရေကြည်)
