မိုင်းယန်း ဇန်နဝါရီ ၂၁
မိုင်းယန်းမြို့နယ် ပန်ဆောင်ကျေးရွာတွင် မြစိမ်းရောင် စီမံကိန်းကျေးရွာ အတိုးရငွေဖြင့် ကျေးရွာတွင်း ကွန်ကရစ်လမ်း ခင်းခြင်း ဆောင်ရွက်သွားမည် ဖြစ်သည်။
အဆိုပါကျေးရွာတွင်း ကွန်ကရစ်လမ်းခင်းခြင်းကို မြစိမ်းရောင် ကျေးရွာစီမံကိန်းအတိုးရငွေ၏ ၅၀ ရာခိုင်နှုန်းဖြစ်သော ကျပ် ၇၅ သိန်းဖြင့် ကွန်ကရစ်လမ်း အရှည် ၄၀၀ ပေ၊ အကျယ် ရှစ်ပေ ၊ ထု ခြောက် လက်မကို ဇန်နဝါရီနောက်ဆုံးပတ်မှ စတင်၍ ဆောင်ရွက် သွားမည်ဖြစ်သည်။
မိုင်ယန်းမြို့နယ် မြစိမ်းရောင်စီမံကိန်းလုပ်ငန်းများကို ၂၀၁၄-၁၅ ဘဏ္ဍာရေးနှစ်မှစတင်၍ မြစိမ်းရောင်စီမံကိန်းယူနစ် ၁၁ ယူနစ်၊ ကျေးရွာ ၁၇ ရွာတွင် ဆောင်ရွက်လျက်ရှိသည်။
ထွန်းမြင့်အောင်