ဆယ်စုနှစ်သုံးခုအတွင်း ဗြိတိန် ငွေကြေးဖောင်းပွမှုနှုန်း အမြင့်ဆုံးရောက်ရှိလာ

လန်ဒန်   ဇန်နဝါရီ   ၂၁

ယူကေ(ဗြိတိန်)၏ လူနေမှုစရိတ် မှာ ဆယ်စုနှစ်သုံးခုအတွင်း အမြင့်ဆုံး အဆင့်သို့ ရောက်ရှိလာကြောင်း ဇန်နဝါရီ ၂၀ ရက်တွင် ထုတ်ပြန်သော တရားဝင်ကိန်းဂဏန်းများအရ သိရ သည်။  နိုင်ငံအတွင်း ငွေကြေးဖောင်းပွ မှုသည် ပြီးခဲ့သည့် ဒီဇင်ဘာလတွင် ၅ ဒသမ ၄ ရာခိုင်နှုန်းအထိ မြင့်တက်ခဲ့ပြီး ၁၉၉၂ ခုနှစ် မတ်လနောက်ပိုင်းမှစ၍ အမြင့်ဆုံးနှုန်းထား ဖြစ်လာကြောင်း အမျိုးသားစာရင်းအင်းရုံး (ONS) ၏ အချက်အလက်များအရ သိရသည်။  

ONS ၏ အချက်အလက်များအရ အိမ်ပိုင်ရှင်များ၏ အိမ်ရာစရိတ်များ အပါအဝင် စားသုံးသူအညွှန်းကိန်းမှာ ၂၀၂၁ ခုနှစ်၊ ဒီဇင်ဘာလတွင် ၄ ဒသမ ၈ ရာခိုင်နူန်း၊ နိုဝင်ဘာလတွင် ၄ ဒသမ ၆ ရာခိုင်နှုန်း ထိ မြင့်တက်လာကြောင်း၊ ယင်းသို့ မြင့်တက်လာပြီးနောက် စားသောက်ကုန်များ၊ ပရိဘောဂနှင့် အဝတ်အစားများပါ စျေးလိုက်ပါမြင့် တက်ခြင်းများရှိနေကြောင်း သိရသည်။  

ဗြိတိန်တွင် စွမ်းအင်စျေးနှုန်းများ မြင့်တက်ခြင်းနှင့် ကားဟောင်းဝယ်လို အား မြင့်တက် လာခြင်းကြောင့်စွမ်းအင် ကုန်ကျစရိတ်များနှင့် ငွေကြေးဖောင်းပွ မှုများမြင့်တက်ကာ ယခုလတွင် လူတစ်ဦး၏ ပျမ်းမျှကုန်ကျစရိတ်မှာ ၂၈ ရာခိုင်နှုန်းအထိ တိုးလာခြင်းဖြစ် သည်။ 

(ref:Reuters)