ပြင်ဦးလွင်-ဂုတ်ထိပ် ရထားခရီးစဉ် ပြန်လည်စတင်
ပြင်ဦးလွင် ဒီဇင်ဘာ ၁၈
ပြင်ဦးလွင်-ဂုတ်ထိပ်ဘူတာ နေ့ချင်းပြန် ရထားခရီးစဉ်ကို လာမည့် ဒီဇင်ဘာ ၁၉ ရက်မှ စတင်ကာ ပြန်လည်ပြေးဆွဲ ပေးသွားမည်ဖြစ်ကြောင်း သိရ သည်။
ပြင်ဦးလွင်မှ ဂုတ်ထိပ်ဘူတာ သို့ လက်မှတ်ခ အသွား ၅၅၀ ကျပ်၊ အပြန် ၅၅၀ ကျပ်ဖြင့် အပတ်စဉ် တနင်္ဂနွေနေ့တိုင်း ပြေးဆွဲပေးမည်ဖြစ်ပြီ ပြင်ဦးလွင် မှ နံနက် ၈ နာရီ စတင်ထွက်ခွာ ၍ ဂုတ်ထိပ်ဘူတာသို့ နံနက် ၁၁ နာရီ ရောက်ရှိမည်။ ထို့နောက် ဂုတ်ထိပ်ဘူတာတွင် တစ်နာရီ ကြာနားကာ နေ့လယ် ၁၂ နာရီ တွင် ဂုတ်ထိပ်ဘူတာမှပြန်လည် ထွက်ခွာ၍ မွန်းလွဲ ၃ နာရီတွင် ပြင်ဦးလွင်သို့ ပြန်လည်ရောက်ရှိ မည်ဖြစ်သည်။ မေဘယ်လ်အောင်
