မဘိမ်း ဒီဇင်ဘာ ၇
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရှမ်းပြည်နယ် (မြောက်ပိုင်း)၊ မဘိမ်းမြို့နယ် ကျေးလက်ဒေသဖွံ့ဖြိုး တိုးတက်ရေး ဦးစီးဌာနက အခြေခံကွန်ပျူတာ သင်တန်းကို ဒီဇင်ဘာ ၁ ရက်မှစ၍ မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနအစည်းအဝေး ခန်းမ၌ ဖွင့်လှစ်လျက်ရှိကြောင်း သိရသည်။
အဆိုပါ သင်တန်းကို ၂၀၂၁-၂၀၂၂ ဘဏ္ဍာနှစ် ခြောက်လတာ ကာလတွင်း မြို့နယ်ကျေးလက်ဒေသဖွံ့ဖြိုး တိုးတက်ရေးဦးစီး ဌာနကခွင့်ပြုငွေကျပ် ၃ သန်းဖြင့်ဆောင်ရွက်ခြင်းဖြစ်ပြီး မြို့နယ် အတွင်းရှိ ကျေးရွာများက သင်တန်းသား/သူ ၂၄ ဦး တက်ရောက် ကာ ၃၀ ရက်ကြာ စာတွေ့၊ လက်တွေ့ အခမဲ့သင်ကြားပို့ချပေးမည်ဖြစ်သည်။
ဟေမာမြင့် (ကျေးလက်)