မြန်မာ့ရှေ့ဆောင်ဘဏ်မှ ငွေကျပ်သိန်း ၁၀၉၂ သိန်း အမျိုးသားနှစ်ဦး သေနတ်ပြ လုယက်
ရန်ကုန်၊ နိုဝင်ဘာ ၂၇
မန္တလေးတိုင်းဒေသကြီး၊ ရမည်း သင်းမြို့၊ အောင်မင်္ဂလာရပ်ကွက်၊ လမ်းမတော်လမ်းရှိ မြန်မာ့ရှေ့ဆောင် ဘဏ်သို့ အမျိုးသားနှစ်ဦး (စိစစ်ဆဲ)က ယမန်နေ့ မွန်းလွဲ ၁ နာရီ ၂၅ မိနစ် ခန့်တွင် ဆိုင်ကယ်နှစ်စီးဖြင့် ရောက်ရှိ လာပြီး ဘဏ်ရှေ့ရှိ လုံခြုံရေးဝန်ထမ်း နှစ်ဦးအနက် တစ်ဦးကို သေနတ်အတို (စိစစ်ဆဲ)ဖြင့် ထောက်ကာ ဓားစာခံ အဖြစ် ဘဏ်အတွင်းသို့ ခြိမ်းခြောက် ခေါ်ဆောင်ပြီး ကျန်အမျိုးသားတစ်ဦး က ဓားကိုင်ကာ ဘဏ်အတွင်းသို့ လိုက်ပါဝင်ရောက်လာပြီး ကောင်တာရှိ ဘဏ်ဝန်ထမ်း အမျိုးသမီးတစ်ဦးထံမှ ငွေကျပ် ၁၀၉၂ သိန်းအား ယူဆောင်၍ ဆိုင်ကယ်ဖြင့် ပျော်ဘွယ်မြို့ဘက်သို့ ထွက်သွားသည်။
တရားခံနှစ်ဦးကို အမြန်ဆုံး ဖော်ထုတ်ဖမ်းဆီးရမိနိုင်ရေး လုံခြုံရေး တပ်ဖွဲ့ဝင်များက ပိတ်ဆို့ စစ်ဆေးရှာဖွေ လျက်ရှိသည်။ ဆွေဦး
