ဖြုတ်ယူအခိုးခံထားရသည့် ကွန်ကရစ်ရေပိုက် လူဝင်ပေါက်အဖုံး စည်ပင်မှ ပြန်လည်အစားထိုး တပ်ဆင်

ရန်ကုန်၊ နိုဝင်ဘာ ၂၃

သံသုမာလမ်းရှိ ၂၄ လက်မ ကွန်က ရစ်ပိုက် (ငမိုးရိပ်ပထမအဆင့် ပိုက်လိုင်း) နှင့်ဂန္ဓမာလမ်းရှိ ၂၄ လက်မ MDPE ပိုက် (ငမိုးရိပ်ဒုတိယအဆင့် ပိုက်လိုင်း) နှစ်ခုအား ဆက်သွယ်ထားသော ၁၆ လက်မ Inter Connection ပိုက်လိုင်း တွင် တပ်ဆင်ထားသော Gate Valve ၏ Valve Chamber သည် လိုအပ်ပါက ပိုက်လိုင်း တစ်လိုင်းနှင့်တစ်လိုင်း အပြန် အလှန် ရေအားဖြည့်ပေးရန်တပ်ဆင်ထားခြင်းဖြစ်သည်။

အဆိုပါ Valve Chamber ၏လူဝင် ပေါက်  ( manhole ) အဖုံးမှာ ဖြုတ်ယူ အခိုးခံထားရပြီး နိုဝင်ဘာ ၁၈ ရက် နေ့လယ်ပိုင်းတွင် ပြန်လည်အစားထိုးတပ်ဆင်ပြီးကြောင်း သိရသည်။ 

ရန်ကုန်မြို့တော် စည်ပင်သာယာ ရေးကော်မတီ အင်ဂျင်နီယာဌာန (ရေ နှင့်သန့်ရှင်းမှု) သည် ရန်ကုန်မြို့နေ ပြည်သူများကျန်းမာရေးနှင့် ညီညွတ် ပြီးသန့်ရှင်းသော သောက်သုံးရေသုံးစွဲ နိုင်ရန် ကြိုးစားဆောင်ရွက်လျက် ရှိကြောင်း သိရသည် ။          

အောင်သူရ