စာသင်ဆောင်များနှင့် ပညာရေးဝန်ထမ်းအိမ်ရာများ မီးရှို့ဖျက်ဆီး
ရန်ကုန် နိုဝင်ဘာ ၁၁
နိုဝင်ဘာ ၁၀ ရက်၊ နေ့လယ် ၁၂ နာရီ ၄၅ မိနစ်တွင် စစ်ကိုင်းတိုင်း ဒေသကြီး၊ ကလေးမြို့၊ အင်းဒိုင်းကုန်း ရပ်ကွက်ရှိ အမှတ်(၉)အခြေခံပညာ ကျောင်းဝင်းအတွင်းသို့ အကြမ်းဖက် သမား ၂ ဦးက ဆိုင်ကယ်ဖြင့်လာရောက် ၍လက်ပစ်ဗုံးဖြင့် ပစ်ပေါက်ခဲ့ရာ ကျောင်းဝင်းအတွင်းရှိ မုန့်ဆိုင်တန်း အဟောင်းပေါ်သို့ ကျ ရောက် ပေါက်ကွဲ ခဲ့သည်။
အလားတူ နိုဝင်ဘာ ၈ ရက် ည ၁၂ နာရီ ၁၀ မိနစ်ခန့်တွင် ကချင် ပြည်နယ်၊ မံစီမြို့နယ်၊ မံဝိန်းလေး ကျေးရွာ၊ အခြေခံပညာမူလတန်း ကျောင်းဝင်းအတွင်းရှိ ဆရာ၊ ဆရာမ များ နေထိုင်ရန် ဆောက်လုပ်ထား သည့် အဆောက်အဦ နှစ်လုံးအား အကြမ်းဖက်သမားများက မီးရှို့ဖျက်ဆီး ခဲ့သဖြင့် ကျေးရွာနေပြည်သူများက ဝိုင်းဝန်းငြှိမ်းသတ်ခဲ့ရာ နိုဝင်ဘာ ၉ ရက် နံနက် ၁ နာရီခန့်တွင် မီးငြိမ်း သွားခဲ့သည်။ မီးလောင်မှုကြောင့် သွပ်မိုး၊ ပျဉ်ကာ၊ ပျဉ်ခင်း ၂ ခန်းတွဲ မြေစိုက် အဆောက်အဦတစ်လုံး မီးလောင် ပျက်စီးခဲ့ကြောင်း သိရသည်။ ဆွေဦး
