ဘာလင်၊ နိုဝင်ဘာ ၇
ပြီးခဲ့သည့်လက ဂျာမနီနိုင်ငံ ဘာလင်မြို့တော်ရှိ ရုရှားသံရုံးအပြင် ဘက်တွင် ရုရှားသံတမန်တစ်ဦးကို သေဆုံးလျက် တွေ့ရှိခဲ့ကြောင်း သတင်း များထွက်ပေါ်လျက်ရှိပြီး ယင်းကို အတည်ပြုရန် ကြိုးပမ်းနေ ကြောင်း ရဲတပ်ဖွဲ့က ပြောသည်။
အဆိုပါအမျိုးသား၏ သေဆုံးရုပ် အလောင်းကို အစောင့်အရှောက်ရှိသည့် ဝင်းအတွင်း လူသွားလမ်းပေါ်တွင်တွေ့ ရှိခဲ့ကြောင်း Der Spiegel ဝက်ဘ်ဆိုက် က ဖော်ပြခဲ့သော်လည်း အဆိုပါ အမျိုးသားသည် အပေါ်ထပ်မှပြုတ်ကျ ခဲ့ခြင်းဖြစ်မည်ဟုယူဆကာ အကြောင်း အရာအသေးစိတ်ကိုမူ ရှင်းရှင်းလင်း လင်းမသိရကြောင်း ဝက်ဘ်ဆိုက်တွင် ရေးသားထားသည်။
အဆိုပါအမျိုးသား သေဆုံးမှုအပေါ် တရားဝင်အမည် မဖော်ပြထားသော် လည်း သတင်းများအရ ယင်းသည် အသက် ၃၅ နှစ်ရှိပြီး ရုရှားသံရုံး၏ ဒုတိယအတွင်းဝန်အဖြစ် စာရင်းသွင်း ထားခြင်းကိုတွေ့ရကြောင်း၊ စုံစမ်းစစ် ဆေးရေး ဝက်ဘ်ဆိုက်ဖြစ်သည့် Bellingcat က ဖွင့်ချရန် ခက်ခဲသည့် အချက်အလက် အရင်းအမြစ်များကို အသုံးချကာ အဆိုပါ အမျိုးသားသည် ရုရှားနိုင်ငံ FSB ထောက်လှမ်းရေး အေဂျင်စီ ဒုတိယ ညွှန်ကြားရေးမှူး ၏ သားဖြစ်နိုင်ကြောင်း ပြောကြားထား သည်။
လက်ရှိတွင် အလောင်းကို ခွဲစိတ်စစ် ဆေးရန် ရုရှသံရုံးက သဘောမတူခဲ့ သဖြင့် ယင်း၏ ရုပ်အလောင်းကို ရုရှား နိုင်ငံသို့ လွှဲပြောင်းပေးလိုက်ပြီဖြစ် ကြောင်း သိရသည်။ မျိုးဝင်း (Ref:BBC)