မြို့နယ်အချို့ ဘိန်းဖြူများနှင့် စိတ်ကြွရူးသွပ်ဆေးပြားများဖမ်းဆီးရမိ မြို့နယ်အချို့ ဘိန်းဖြူများနှင့် စိတ်ကြွရူးသွပ်ဆေးပြားများဖမ်းဆီးရမိ
ရန်ကုန်၊ အောက်တိုဘာ ၁၅
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် အောက်တိုဘာ ၁၃ ရက် မွန်းလွဲ ၁ နာရီတွင် မြစ်ကြီးနားမြို့ မြို့သစ်ကြီးရပ်ကွက်နေ ငြိမ်းဇော်ဦး၏ နေအိမ်သို့ ဝင်ရောက်ရှာဖွေရာ ဘိန်းဖြူ သုည ဒသမ ၂၂ ကီလိုကို လည်းကောင်း၊ ယင်းနေ့ ညနေ ၆ နာရီ မိနစ် ၅၀ တွင် လွိုင်ကော်မြို့နယ် လွိုင်လင် လေးနယ်မြေရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့ သည် လွိုင်လင်လေးမြို့ အောင်တေဇ ရပ်ကွက်အနီးတွင် မောင်သိန်းမောင်းနှင် လာသည့် ဆိုင်ကယ်ကို ရပ်တန့် စစ်ဆေးရှာဖွေရာ စိတ်ကြွရူးသွပ် ဆေးပြား ၃၈၀၀ နှင့် ၇ ဒသမ ၆၂ ကျည် ၅ တောင့်တို့ကိုလည်းကောင်း၊ ယင်းနေ့ မွန်းလွဲ ၃ နာရီတွင် မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မောင်တောမြို့နယ် ငန်းချောင်းကျေးရွာအနီးတွင် မာမောက် အာယုတ် မောင်းနှင်လာသည့် ဆိုင်ကယ် ကိုရပ်တန့်စစ်ဆေးရှာဖွေရာစိတ်ကြွ ရူးသွပ်ဆေးပြား ၁၉၅၀၀ ပြားကို လည်းကောင်း၊ ယင်းနေ့ နံနက် ၇ နာရီခွဲတွင် မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ကျေးသီးမြို့နယ် မိုင်းနောင်မြို့ အမှတ်(၃)ရပ်ကွက် မြို့ဝင်စစ်ဆေးရေး ဂိတ်အနီးတွင် စိုင်းလှကျော် မောင်းနှင် လာသည့်ယာဉ်ကို ရပ်တန့်စစ်ဆေး ရှာဖွေရာစိတ်ကြွ ရူးသွပ်ဆေးပြား ၁၃၅၀၀၀ ကိုလည်းကောင်း၊ အောက်တို ဘာ ၁၂ ရက်နံနက် ၁၁ နာရီတွင် ပုသိမ် နယ်မြေရဲစခန်းမှ တပ်ဖွဲ့ဝင်များပါဝင် သော ပူးပေါင်းအဖွဲ့သည် ပုသိမ်မြို့နယ် ဘုရားကြီးကုန်း ကျေးရွာအနီးတွင် အောင်မျိုးဦးမောင်းနှင်ပြီး ကျော်စွာ၊ စည်သူဇော်ဝင်းတို့ လိုက်ပါလာသည့် ယာဉ်ကို ရပ်တန့်စစ်ဆေးရှာဖွေရာစိတ်ကြွရူးသွပ်ဆေးပြား ၉၇၅၀ ကို လည်းကောင်း သိမ်းဆည်းရမိခဲ့သဖြင့် ၎င်းတို့အား မူးယစ်ဆေးဝါးနှင့် စိတ် ကိုပြောင်းလဲစေသော ဆေးဝါးများ ဆိုင်ရာဥပဒေအရ အရေးယူထား ကြောင်း သိရသည်။
ဆွေဦး
