မိုးညှင်း၊ မြဝတီနှင့် မြိတ်မြို့နယ်တို့တွင် မူးယစ်ဆေးဝါးများ ဖမ်းဆီးရမိ
မိုးညှင်း အောက်တိုဘာ ၁၁
မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် အောက်တိုဘာ ၉ ရက် မွန်းလွဲ ၂ နာရီခွဲကမိုးညှင်းမြို့ ဟဲလုံကျေးရွာအုပ်စုသီတာရပ်ကွက် (ကွက်သစ်) နေဇော်မြင့်ဦး၏နေအိမ်ကို စစ်ဆေးရှာဖွေရာ ၎င်း၏ဇနီးဖြစ်သူ မဇင်မာဖြိုးနှင့်အတူ ဘိန်းစိမ်း ၆ ဒသမ ၅ ကီလိုကို သိမ်းဆည်းရမိသည်။
အလားတူ ယင်းနေ့ မွန်းလွဲ ၃ နာရီ ၁၅ မိနစ်တွင် ကရင်ပြည်နယ်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်း အဖွဲ့သည် မြဝတီမြို့၊ အမှတ်(၅) ရပ်ကွက်၊ မြတ်လင်းအေးမြိုင်လမ်း တွင် စောထူး(ခ) စန်းထွေးမောင်းနှင် ပြီး ပိုင်ပိုင် လိုက်ပါလာသည့် ဆိုင်ကယ် ကို ရပ်တန့်စစ်ဆေးရှာဖွေရာ စိတ်ကြွ ရူးသွပ်ဆေးပြား ၈၅၅၀၊ ငွေကျပ် ၅၃၀,၀၀၀ တို့ကိုလည်းကောင်း၊ အောက်တိုဘာ ၉ ရက်၊ နံနက် ၁၀ နာရီတွင် မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်း အဖွဲ့သည် မြိတ်မြို့ မြိတ်တောင်ရပ်ကွက် ဇေယျာသီရိ (၃)ရပ်က္ပက် ခူဒိုင်လမ်းနေ မမိုးမိုးအေး(ခ) မိုးအေး၏နေအိမ်ကို စစ်ဆေးရှာဖွေရာ စိတ်ကြွရူးသွပ်ဆေးပြား ၁၃၆၇ ပြားကို လည်းကောင်း သိမ်းဆည်းရမိခဲ့သဖြင့် ယင်းတို့အား မူးယစ်ဆေးဝါးနှင့်စိတ်ကို ပြောင်းလဲစေသော ဆေးဝါးများ ဆိုင်ရာဥပဒေအရ အရေးယူထား ကြောင်း သိရသည်။
ဆွေဦး
