ကျောက်တံတားမြို့နယ် မြို့နယ်ရဲစခန်းဘေး ပေါက်ကွဲမှုဖြစ်

ရန်ကုန်၊ စက်တင်ဘာ ၂၈

ကျောက်တံတားမြို့နယ်၊ (၁)ရပ်ကွက်၊ ဆူးလေဘုရားလမ်း (ဗိုလ်ချုပ်လမ်းနှင့် အနော်ရထာလမ်း ကြား) Yangon Heritage Hotel နှင့် ကျောက်တံတားမြို့နယ် ရဲစခန်း ကြား ယနေ့ နံနက် ၇ နာရီခွဲခန့်က လက်လုပ်ဗုံး ပေါက်ကွဲသည်။ 

ပေါက်ကွဲမှု ဖြစ်ပွားရာသို့ လုံခြုံရေးတပ်ဖွဲ့ဝင်များ သွားရောက် စစ်ဆေးချက်အရ Yangon Heritage Hotel ၄ လွှာဘက်မှ ကျောက်တံတား ရဲစခန်းသို့ လက်လုပ်ဗုံးပစ်ထည့်ရာ ရဲစခန်းအတွင်းမကျဘဲ ရဲစခန်းနှင့် ဟိုတယ်ကြား အရေးပေါ်လှေကား တွင် ကျရောက်ပေါက်ကွဲခြင်းဖြစ် ကြောင်း၊ ပေါက်ကွဲမှုကြောင့် လူပစ္စည်း ထိခိုက်ပျက်စီးမှုမရှိကြောင်းနှင့် ပြစ်မှု ကျူးလွန်သူများအား ဖော်ထုတ်ဖမ်းဆီး ရမိရေး ဆက်လက်ဆောင်ရွက်လျက်ရှိကြောင်းသိရသည်။

 မိုးမြင့်မောင်