ကွန်ဟိန်းမြို့နယ်၌ ဘိန်းစိမ်းနှင့် စိတ်ကြွရူးသွပ်ဆေးပြားများ သိမ်းဆည်းရမိ
ကွန်ဟိန်း၊ စက်တင်ဘာ ၂၈
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှတပ်ဖွဲ့ဝင်များ ပါဝင်သော ပူးပေါင်းအဖွဲ့သည် စက်တင်ဘာ ၂၆ ရက်က ကွန်ဟိန်းမြို့နယ် တာကော် ကျေးရွာအုပ်စု ဖန်လန်းကျေးရွာအနီး တွင် စိုင်းမန်မောင်းနှင်ပြီး လျန်းမွန်း လိုက်ပါလာသည့် ယာဉ်အားစစ်ဆေး ရှာဖွေရာ ယာဉ်အတွင်းမှ ဘိန်းစိမ်း ၆၇ ဒသမ ၅ ကီလို သိမ်းဆည်းရမိခဲ့ပြီး စစ်ဆေးဖော်ထုတ်ချက်အရ တာကော် ကျေးရွာအုပ်စု ဖန်လန်းကျေးရွာဘုန်းကြီးကျောင်းရှိ စိုင်းမန်နေထိုင်သည့် အခန်းအား ဆက်လက်ရှာဖွေရာ စိတ်ကြွရူးသွပ်ဆေးပြား ၁၆၅ ပြား ထပ်မံသိမ်းဆည်းရမိခဲ့သဖြင့် စိုင်းမန် နှင့် လျန်းမွန်းတို့ကို မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါး များဆိုင်ရာဥပဒေအရ အရေးယူထား ကြောင်း သိရသည်။ ဆွေဦး
