ငပုတော စက်တင်ဘာ ၁၉
ဧရာဝတီတိုင်းဒေသကြီး၊ ငပုတောမြို့နယ် အတွင်းရှိ အသက် ၈၅ နှစ်အထက် ဘိုးဘွားများကို လူမှုရေး ပင်စင် ထောက်ပံ့ ပေးအပ်ခြင်းနှင့် ကိုယ်ဝန်ဆောင် မိခင်များနှင့် ယင်းတို့မှ မွေးဖွားလာသော အသက်နှစ်နှစ်အောက်ကလေး ငယ်များအတွက် ထောက်ပံ့ ကြေးငွေများ ပေးအပ်ခြင်းကို စက်တင်ဘာ ၁၇ ရက် နံနက် ၉ နာရီက အထွေထွေအုပ်ချုပ်ရေး ဦးစီးဌာနနှင့် လူမှုဝန်ထမ်း ဦးစီးဌာနမှ တာဝန်ရှိသူများက အိမ်တိုင်ရာ ရောက် သွားရောက် ထောက်ပံ့ ပေးအပ်ခဲ့ကြောင်း သိရသည်။
လူမှုဝန်ထမ်း ဦးစီးဌာနမှ ငပုတောမြို့နယ် အတွင်းရှိ အသက် ၈၅ နှစ်အထက် ဘိုးဘွား ၁၇၇၇ ဦးကို ၂၀၂ဝ-၂၀၂၁ ဘဏ္ဍာရေးနှစ်၊ တတိယသုံးလပတ် (ဧပြီ၊ မေ၊ ဇွန်)အတွက် တစ်လလျှင် ကျပ် ၁၀၀၀၀ နှုန်းဖြင့် ၃ လ စာငွေကျပ် ၅၃,၃၁၀,၀၀၀ ကို လည်းကောင်း၊ ကိုယ်ဝန် ဆောင် မိခင်များနှင့် ယင်းတို့မှ မွေးဖွားလာသော အသက် နှစ်နှစ်အောက် ကလေးငယ်များ အပါအဝင် စုစုပေါင်း ၅၇၁ ဦးကို ၂၀၂၀ ပြည့်နှစ်၊ အောက်တိုဘာ၊ နိုဝင်ဘာ၊ ဒီဇင်ဘာလများ အတွက် တစ်လလျှင် ငွေကျပ် ၁၅၀၀၀ နှုန်းဖြင့် ၃ လစာ ငွေကျပ် ၂၅၇,၀၈၅,၀၀ဝ ကျပ် ထောက်ပံ့ပေးပြီး ဖြစ်ကြောင်း သိရသည်။
လှမင်းထွဋ်(ပြန်/ဆက်)