မရမ်းကုန်း သမိုင်းဘူတာရုံလမ်း စွယ်စုံမီးပွိုင့်ဘေးပေါက်ကွဲမှုဖြစ်
ရန်ကုန်၊ စက်တင်ဘာ ၉
မရမ်းကုန်းမြို့နယ်၊ (၂)ရပ်ကွက်၊ သမိုင်းဘူတာရုံလမ်း၊ စွယ်စုံမီးပွိုင့် ဘေးတွင် စက်တင်ဘာ ၈ ရက်၊ နေ့လယ် ၁ နာရီ ၅၀ မိနစ်ခန့်က ပေါက်ကွဲမှု ဖြစ်ပွားခဲ့သည်။
ပေါက်ကွဲမှုဖြစ်ပွားရာသို့ လုံခြုံရေးတပ်ဖွဲ့ဝင်များသွားရောက် စစ်ဆေးရာ Keypad ဖုန်းအပိုင်းအစများနှင့် သံခဲအပိုင်းအစများ ကိုတွေ့ရပြီး ပေါက်ကွဲမှုကြောင့် မီးပွိုင့်အုတ်ခုံ(၈)လက်မခန့် ပျက်စီး ဆုံးရှုံးခဲ့ကြောင်းနှင့် လူ၊ တိရစ္ဆာန် ထိခိုက်ပျက်စီးမှုမရှိကြောင်း သိရ သည်။
ပြစ်မှုကျူးလွန်သူကို ဖမ်းဆီးရမိရေးအတွက် အနီးပတ်ဝန်းကျင်ရှိ CCTV မှတ်တမ်းများကို ကြည့်ရှုစစ်ဆေးလျက်ရှိကြောင်း သိရသည်။
မိုးမြင့်မောင်
