အလုံမြို့နယ် ကမ်းနားလမ်း HTOO ဆီဆိုင်အနီးပေါက်ကွဲမှုဖြစ်

ရန်ကုန်၊  စက်တင်ဘာ ၈

အလုံမြို့နယ်၊ စောရန်ပိုင်အနောက်ရပ်ကွက်၊ ကမ်းနားလမ်းနှင့် နှင်းဆီလမ်း ထောင့် HTOO ဆီဆိုင်အနီး စက်တင်ဘာ ၈ ရက်၊ နံနက် ၆ နာရီခွဲခန့်က ပေါက်ကွဲမှု ဖြစ်ပွားသည်။ ပေါက်ကွဲမှုဖြစ်ပွားရာသို့ လုံခြုံရေးတပ်ဖွဲ့ဝင်များသွားရောက်စစ်ဆေးရာ 777 တံဆိပ် 9V ဘက်ထရီ (၁) လုံး တွဲလျက် LoLo Keypad ဖုန်း(၁)လုံးနှင့်အချင်း ၂လက်မခန့်ရှိ သံကြွပ်ပိုက်အပိုင်းအစများတွေ့ရှိရသဖြင့် လက် လုပ်ဗုံးပေါက်ကွဲခြင်းဖြစ်ကြောင်း၊   ပေါက်ကွဲမှုကြောင့် လူ၊ ပစ္စည်း ထိခိုက်ပျက်စီးမှုမရှိကြောင်းနှင့်  ပြစ်မှုကျူးလွန်သူကို ဖော်ထုတ် ဖမ်းဆီးရမိရေးအတွက်   ဆက်လက်ဆောင်ရွက်လျက်ရှိကြောင်းသိရသည်။                                                                  မိုးမြင့်မောင်