နယူးယောက် စက်တင်ဘာ ၄
အမေရိကန်နိုင်ငံအနှံ့ရှိ ဆေးရုံများသည် ကာကွယ်ဆေး ထိုးနှံထားခြင်းမရှိသည့် လူနာများအား အဓိက ကုသပေးနေရ သောကြောင့် အောက်ဆီဂျင်ပြတ်လပ်မှုများဖြင့် ရင်ဆိုင် ကြုံတွေ့နေရကြောင်း သိရသည်။
ယခုနှစ် ဒီဇင်ဘာလတွင် ကိုဗစ်-၁၉ ရောဂါကြောင့် နောက်ထပ် လူဦးရေ ၁၀ဝ,ဝ၀ဝ သေဆုံးနိုင်ကြောင်း မကြာ သေးမီက ဝါရှင်တန်တက္ကသိုလ် ခန့်မှန်းတွက်ချက်မှုကို သတင်း များတွင် ဖော်ပြခဲ့သည်။ ယင်းခန့်မှန်းချက်သည်ကြောက်စရာ ကောင်းသော်လည်း အမေရိကန်နိုင်ငံသားများ ကာကွယ်ဆေး ပိုမိုထိုးနှံပါက ကာကွယ်နိုင်ကြောင်း အမေရိကန်နိုင်ငံ ဓာတ် မတည့်မှုနှင့် ကူးစက်ရောဂါဌာနညွှန်ကြားရေးမှူး Anthony Fauci ၏ ပြောကြားချက်ကို ကိုးကားဖော်ပြခဲ့သည်။
အသက်အရွယ်အုပ်စုအမျိုးမျိုးတွင် Delta မျိုးဗီဇပြောင်းပိုး ကူးစက်ခံရနိုင်ကြောင်းဖော်ပြခဲ့ပြီး ကလေးငယ်များသည် အန္တရာယ်ပို၍မြင့်တက်လာကြောင်းနှင့် အမေရိကန်နိုင်ငံရှိ ကလေးများသည် ယခုနှစ် အစောပိုင်းလများကထက် ပြီးခဲ့ သောလတွင် ကိုဗစ်-၁၉ ရောဂါဖြင့် ဆေးရုံတင်ကုသရမှုပိုများ ကြောင်း သိရသည်။
ရဲခေါင် (ref; BBC)