ဗျူရိုအေးရိစ် စက်တင်ဘာ ၃
ပန်အမေရိကန်ကျန်းမာရေးအဖွဲ့ (PAHO) သည် ကိုလံဘီယာနိုင်ငံတွင် တွေ့ရှိခဲ့ပြီး ကမ္ဘာ့ကျန်းမာရေးအဖွဲ့က “အထူးဂရုစိုက်ရမည့် မျိုးရိုးဗီဇကွဲ” အဖြစ်သတ်မှတ်ခဲ့သော နိုဗယ်ကိုရိုနာ ဗိုင်းရပ်စ် မျိုးရိုးဗီဇကွဲ Mu ၏ လက်တင် အမေရိက၌ ဆင့်ကဲပြောင်းလဲမှုကို စောင့်ကြည့်လျက်ရှိကြောင်း သိရသည်။
“ကိုလံဘီယာ အမျိုးသားကျန်းမာရေး အင်စတီကျု့က လုပ်ဆောင်နေတဲ့ မဟာ ဗျူဟာမြောက် စောင့်ကြပ်ကြည့်ရှုခြင်း အရ ကိုလံဘီယာနဲ့ အခြားနိုင်ငံတွေမှာ လည်းပျံ့နှံ့နေတဲ့ ဒီမျိုးရိုးဗီဇကွဲဗိုင်းရပ်စ် ကို B.1.621 လို့ခေါ်ဆိုပြီး ဇန်နဝါရီလက တွေ့ရှိခဲ့တာဖြစ်ပါတယ်” ဟု PAHO ၏ ပေါ်ထွက်လာသော ဗိုင်းရပ်စ်ရောဂါများ ဆိုင်ရာအကြံပေး Jairo Mendez Rico က အွန်လိုင်းသတင်းစာရှင်းလင်းပွဲ၌ ပြော ကြားခဲ့သည်။
Mu မျိုးရိုးဗီဇကွဲဗိုင်းရပ်စ်ဖြစ်ပွားမှုကို ကော်စတာရီကာနိုင်ငံနှင့် အီကွေဒေါ နိုင်ငံများတွင် တွေ့ရှိခဲ့ကြောင်း၊ သို့ရာ တွင် ရောဂါပြင်းထန်မှု၊ လူသေဆုံးမှု သို့မဟုတ် ရောဂါကူးစက်မှုသတ်မှတ် ချက်အရ သက်ရောက်မှုကြီးကြီးမားမား မရှိကြောင်း Mendez က ပြောသည်။
WHO က Mu မျိုးရိုးဗီဇကွဲဗိုင်းရပ်စ် အား နိုင်ငံ ၃၉ နိုင်ငံတွင် တွေ့ရှိထားသော် လည်း ကမ္ဘာတစ်ဝန်းရောဂါဖြစ်ပွားမှု ဝဒသမ ၁ ရာခိုင်နှုန်းအောက်ရှိကာ ရောဂါ ကူးစက်မှု ကျဆင်းလျက်ရှိကြောင်း အပတ်စဉ်သတင်းလွှာတွင် ပြောကြား ထားသည်။
သို့ရာတွင် အဆိုပါမျိုးရိုးဗီဇကွဲ ဗိုင်းရပ်စ်ဖြစ်ပွားမှုသည် ကိုလံဘီယာ နိုင်ငံတွင် ၃၉ ရာခိုင်နှုန်းတွေ့ရှိခဲ့ပြီး အီကွေဒေါနိုင်ငံတွင် ၁၃ ရာခိုင်နှုန်း တွေ့ရှိခဲ့ကြောင်း၊ ရောဂါကူးစက်မှုမှာ တည်ငြိမ်နေသည်ကိုပြသနေကြောင်း Mendez က မှတ်ချက်ပြုခဲ့သည်။
မျိုးဝင်း(ref; Xinhua)