ဘိုကလေးမြို့နယ် စည်ပင်သာယာရေးအဖွဲ့မှ အမှတ်(၅)ရပ်ကွက်အတွင်း သန့်ရှင်းရေးဆောင်ရွက်
ဘိုကလေး၊ ဩဂုတ် ၂၆
ဧရာဝတီတိုင်းဒေသကြီး၊ ဖျာပုံ ခရိုင်၊ ဘိုကလေးမြို့နယ် စည်ပင်သာယာရေး အဖွဲ့အနေဖြင့် မြို့နယ်တွင်း သန့်ရှင်း သာယာလှပစေရေး၊ မြို့အင်္ဂါရပ်နှင့် ညီညွတ်စေရေးလုပ်ငန်းများကို နေ့စဉ် ဆောင်ရွက်လျက်ရှိရာ ဩဂုတ် ၂၅ ရက်၊ နံနက် ၉ နာရီတွင် မြို့မ (၅)ရပ်ကွက် အတွင်း၌ သန့်ရှင်းရေးလုပ်ငန်းများ ဆောင်ရွက်ကြသည်။
ဆောင်ရွက်ရာတွင် မြို့နယ်စည်ပင် သာယာရေးအဖွဲ့မှ အမှုဆောင်အရာရှိ ဦးစိုးဝဏ္ဏဝင်း ကြီးမှူးကာ စက်ယန္တရား များဖြင့် ရေနုတ်မြောင်းများ တူးဖော် ခြင်း၊ အမှိုက်သရိုက်များ ဆယ်ယူခြင်း၊ လမ်းဘေးဝဲယာမှခြုံနွယ်ပိတ်ပေါင်း များကို ခုတ်ထွင်ခြင်း၊ အမှိုက်ပုံများကို ရှင်းလင်းခြင်းတို့ ဆောင်ရွက်၍ အမှိုက်သရိုက်များကို စည်ပင်သာယာ ရေးအဖွဲ့ပိုင် မော်တော်ယာဉ်ဖြင့် သိမ်း ဆည်းခဲ့ကြောင်း သိရသည်။
မိုးစက်(ဘိုကလေး)
