သမိုင်းဘူတာရုံဘေးအုတ်တံတိုင်းပေါ်တွင်လက်လုပ်ချိန်ကိုက်ဗုံးသိမ်းဆည်းရမိ
ရန်ကုန်၊ ဩဂုတ် ၂၅
မရမ်းကုန်းမြို့နယ် (၁) ရပ်ကွက်၊ အောက်ဗဟိုလမ်း၊ သမိုင်းဘူတာရုံလမ်း၊ လူကူးသံလမ်းခုံးကျော်တံတား အုတ်တံတိုင်းပေါ်တွင် လက်လုပ်ဗုံး (၁) လုံး တွေ့ရှိ ကြောင်းသတင်းအရ လုံခြုံရေးတပ်ဖွဲ့ဝင်များက ဩဂုတ် ၂၄ ရက်၊ နံနက် ၈ နာရီ ၅၅ မိနစ်အချိန်က သွားရောက်စစ်ဆေးရာ အလျား ၆ လက်မ၊ အချင်း ၂ လက်မရှိ PVC ပိုက်၊ ဓါတ်ခဲ(၃)လုံး၊ LoLo Keypad အနက်ရောင်ဖုန်းနှင့် ဝါယာကြိုး များ ဆက်သွယ်ထားသည့် မပေါက်ကွဲသေးသော လက်လုပ်ချိန်ကိုက်ဗုံး (၁) လုံးကို တွေ့ရှိသဖြင့် သက်မဲ့ပြုလုပ်သိမ်းဆည်းခဲ့ကြောင်းနှင့် တရားခံကို ဖော်ထုတ် ဖမ်းဆီးရမိရေး CCTV မှတ်တမ်းများအရ စုံစမ်းဆောင်ရွက်လျက်ရှိကြောင်း သိရသည်။ မိုးမြင့်မောင်
