ဆိုနီရုပ်ရှင်ကုမ္ပဏီအတွက် ဇာတ်ကားသစ် ဒါရိုက်တာဒေးဗစ်ယိစ် ရိုက်ကူးမည်

 ဩဂုတ်    ၂၄

ဆိုနီရုပ်ရှင်ကုမ္ပဏီအတွက် ဒရာမာ ဇာတ်ကားသစ်ကို ကမ္ဘာကျော် ဒါရိုက် တာဒေးဗစ်ယိစ်ကတာဝန်ယူရိုက်ကူးပေးမည်ဖြစ်ကြောင်း သိရသည်။

လက်ရှိအချိန်တွင် တရားဝင် ဇာတ်ကားနာမည် မသတ်မှတ်ရသေး သည့် အဆိုပါ ဒရာမာဇာတ်ကားသစ်ကို ရိုက်ကူးရေးအတွက် ဒါရိုက်တာ ဒေးဗစ်ယိစ်သည် ဆိုနီရုပ်ရှင်ကုမ္ပဏီနှင့် ဆွေးနွေးနေခြင်းဖြစ်သည်။

ဒါရိုက်တာဒေးဗစ်ယိစ်သည် ကမ္ဘာ ကျော် Harry Potter ဇာတ်ကားများနှင့် Fantastic Beasts ဇာတ်ကားများကို ရိုက်ကူးခဲ့သူဖြစ်သည်။

ဆိုနီရုပ်ရှင်ကုမ္ပဏီ၏ ဒရာမာ ဇာတ်ကားသစ်အတွက် ဝတ္ထုဇာတ်ညွှန်း ကို ဇာတ်ညွှန်းရေးဆရာ ဝဲတာဝါက တာဝန်ယူရေးသားပေးမည်ဖြစ်သည်။

ယင်းဇာတ်ကား၏ ဇာတ်လမ်း ဇာတ်အိမ်အသေးစိတ်ကို ဆိုနီရုပ်ရှင် ကုမ္ပဏီကကြေညာခြင်းမရှိသေးသော် လည်းသတင်းများ၏ ဖော်ပြချက်အရ အဆိုပါဇာတ်ကား၏ ဇာတ်အိမ်သည် Wolf Of Wall Street ဇာတ်ကား နှင့်ပုံစံချင်းတူ၍ ဆေးဝါးရောင်းဝယ် ရေးလောကကိုအခြေခံရိုက်ကူးမည့် ဇာတ်ကားဖြစ်ကြောင်း သိရသည်။

(သူရိန်)