ကော့သောင်းနှင့် နောင်ချိုမြို့တို့၌ စိတ်ကြွရူးသွပ်ဆေးပြားများ သိမ်းဆည်းရမိ
ကော့သောင်း ဩဂုတ် ၄
မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဩဂုတ် ၃ ရက် နံနက် ၁၀ နာရီခွဲတွင် ကော့သောင်းမြို့ရွှေပြည် သာရပ်ကွက် မြရည်ပုလဲလမ်းသွယ် နေစိုးမြတ်လှိုင်(ခ)ဘုသီး၏ နေအိမ်သို့ သတင်းအရ ဝင်ရောက်ရှာဖွေရာ စိုးမြတ် လှိုင်(ခ) ဘုသီးနှင့်အတူ မြင့်ဇော်ကို တွေ့ရှိရပြီး စိတ်ကြွရူးသွပ်ဆေးပြား ၇၀၀၀ ကိုလည်းကောင်း၊ ထို့အတူ ဇူလိုင် ၃၁ ရက် ည၈နာရီ ၁၅ မိနစ်တွင် နောင်ချိုမြို့မရဲစခန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် နောင် ချိုမြို့နယ်၊ နောင်ချိုကြီးကျေးရွာနေ ဝင်းမောင်၏ နေအိမ်သို့ သတင်းအရ ဝင်ရောက်ရှာဖွေရာ စိတ်ကြွရူးသွပ် ဆေးပြား ၃၇၀၀ ကိုလည်းကောင်း သိမ်းဆည်းရမိခဲ့သဖြင့်ယင်းတို့အား မူးယစ်ဆေးဝါးနှင့် စိတ်ကိုပြောင်း လဲစေသော ဆေးဝါးများဆိုင်ရာ ဥပဒေ အရအရေးယူထားကြောင်း သိရ သည်။
ဆွေဦး
