နိုင်ငံရေးအတိုက်အခံ အဖွဲ့များနှင့် စေ့စပ်ဆွေးနွေးမည်ဖြစ်ကြောင်း ဗင်နီဇွဲလား ကြေညာ

ကရာကတ်စ်၊ ဇူလိုင် ၂၇

နော်ဝေနိုင်ငံ၏  ကြားဝင်စေ့စပ် ပေးမှုအရ  နိုင်ငံရေးအတိုက်အခံ အဖွဲ့များနှင့် လာမည့်သြဂုတ်လတွင် မက္ကဆီကိုနိုင်ငံ၌   တွေ့ဆုံဆွေးနွေးမှု စတင်လုပ်ဆောင်မည်ဖြစ်ကြောင်း ဗင်နီဇွဲလားသမ္မတ Nicolas Maduro က ပြောကြားလိုက်သည်။ 

ယင်းလုပ်ရပ်ကို  အမေရိကန် ပြည်ထောင်စုကလည်း  သဘောတူ ကြိုဆိုမည်ဟု မျှော်လင့်ကြောင်း၊ ယခုကိစ္စကို လုပ်ဆောင်ရခြင်းမှာ လည်း ဗင်နီဇွဲလားနိုင်ငံအနေဖြင့် နိုင်ငံရေး   အကျပ်အတည်းကို ကျော်လွှားနိုင်ရေးအတွက် အတိုက် အခံများဘက်က ပြီးခဲ့သည့် မေလ ကပင်  နည်းဗျူဟာပြောင်းလဲခဲ့ပြီး တွေ့ဆုံညှိနှိုင်းလိုသည့် ကမ်းလှမ်းမှု များကြောင့်ဖြစ်ကြောင်း  Nicolas Maduro က ပြောသည်။ 

ဗင်နီဇွဲလားနိုင်ငံတွင်   သမ္မတ Maduro  အာဏာရလာသည့် ၂၀၁၃ မှစ၍ စီးပွားရေးကျဆင်းလာခဲ့ခြင်းကြောင့် ပြည်တွင်းအတိုက်အခံများသာမက၊ အမေရိကန်နှင့် EU ဥရောပသမဂ္ဂ တို့ကပါ ယင်း၏ လူ့အခွင့်အရေး ချိုးဖောက်မှု၊ အဂတိလိုက်စားမှုနှင့် ၂၀၁၈ ရွေးကောက် ပွဲကို ပြန်လည်ကျင်းပ အနိုင်ယူခဲ့သည့် လှည့်ဖျားမှုများအပေါ် စွပ်စွဲပြစ်တင်လာကြကာ အဆိုပါစွပ်စွဲ ချက်မျာကိုမူ သမ္မတ Maduro က ငြင်းဆိုထားသည်။ Maduro အနေဖြင့် သိသာတိုးတက်ပြီး လွတ်လပ်မျှတ သည့် ရွေးကောက်ပွဲကို ဦးတည်စေမည့် အတိုက်အခံများနှင့် တွေ့ဆုံဆွေးမှုမျိုး လုပ်မည်ဆိုပါက Maduro အစိုးရပေါ် ချမှတ်ထားသည့် ဒဏ်ခတ်ပိတ်ဆို့မှုများ ပြန်ရုပ်သိမ်းရေးကို စဉ်းစားမည်ဖြစ် ကြောင်း အမေရိကန်၊ ဘယ်လ်ဂျီယံနှင့် ကနေဒါ နိုင်ငံခြားရေးဝန်ကြီးများက ပြီးခဲ့သည့် ဇွန်လတွင် ပြောကြားခဲ့ သည်။

မျိုးဝင်း (ref; AP)